‘Skerp eie veiligheid op’, vra burgerregtegroep

(Foto: pixabay)

Die burgerregtegroep AfriForum het landelike gemeenskappe gevra om hulle veiligheidsmaatreëls op te skerp.

“Die Boland gaan tans erg onder plaasaanvalle gebuk en ons doen ’n beroep op die gemeenskap om hulle paraatheid op te skerp,” het Johandré van Zyl, AfriForum se streekhoof vir gemeenskapsveiligheid in die Wes-, Oos- en Noord-Kaap, gesê.

“Ons vermoed dat dieselfde groep wat einde 2018 vir die aanvalle in die Paarl- en Wellington-omgewings verantwoordelik was, weer aktief is. Die verdagtes is gewoonlik in groepe van vier en slaan toe net ná sononder tot ongeveer 21:30 saans.”

AfriForum het gesê hy weet van vier plaasaanvalle tussen 18 en 24 Mei vanjaar in die omgewing van die Paarl, Stellenbosch en De Doorns.

Maroela Media het vroeër berig oor die aanval op Bonnievale-boer Tool Wessels (53)en sy vrou, Liezel (51). Die Wesselse is verlede Dinsdag op hulle plaas oorrompel. Tool is vermoor. Liezel is gemartel en ernstig beseer.

In nog ʼn voorval is ʼn 31-jarige polisiebeampte van die Stellenbosse misdaadvoorkomingseenheid Woensdagaand op ʼn wynplaas buite die dorp doodgeskiet toe hy ʼn huisrower agternagesit het.

AfriForum sê in April vanjaar is ʼn 72-jarige vrou boonop tydens ’n plaasaanval in Redelinghuys verkrag.

“Ons moedig mense aan, veral in afgeleë landelike gebiede, om verantwoordelikheid vir hulle eie veiligheid te aanvaar en hulself te organiseer deur betrokke te raak by plaaswagte in hulle gebied,” het Van Zyl gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
piet piet

Ek het vandag van johannesburg na pretoria gery en op elke brug het n polisie voertuig gestaan vir die partytjie van more. Ek kon nie glo om die polisie so aktief te sien nie waar almal uitgeruil het weet ek nie wat ek wel weet is dat jy hulle nooit sien op ander dae nie nou wonder ek net hoekom.

Adam

Hier in die Wes-Kaap wag ons maar op Trompie en die Boksombende om te help terugslaan.

Hans

Elke individu moet misdaad voorkom en veiligheidsbewus wees. Vele misdade is agv agterlosige of nalatigheid. Bv moenie waardevolle goedere op sitplek laat rondlê nie. Die houding dat dis “my reg van vryheid” , veroorsaak dikwels nalatigheid, veral op afgeleë gebiede.

Boerin

Moenie worry nie Adam, ons wag orals vir iemand om terug te slaan! Dit gaan erg en ons” struggle vir survival is real”!

Wonder

Is dit nie moontlik om ‘n vonds beskikbaar te stel om kameras op ALLE plase te installeer nie?