Een man is dood en drie ernstig beseer toe skote Donderdagmiddag in Rustenburg op hulle gevuur is.
Brig. Sabata Mokgwabone, woordvoerder van die polisie, sê mense het buite die kantoor van die Kommissie vir Versoening, Bemiddeling en Arbitrasie (KVBA) gestaan toe ʼn onbekende persoon verskeie skote op hulle gevuur het.
“ʼn 40-jarige man is dood. Drie persone het ernstige beserings opgedoen en is na ʼn hospitaal geneem vir verdere behandeling.”
Die motief vir die aanval is nog nie bekend nie. Niemand is nog in hegtenis geneem nie.
Die polisie stel ondersoek in.
Nóg moorde! Wapens in die verkeerde hande is gevaarlik! In watter jaar gaan die kriminele sonder wapens wees hoedeman? Jy’t bloed op jou hande Cele slaap lekker hoor
Wilde weste soos daar deesdae wild en wakker geskiet word.
Nog meer rede om Cele te laat waai!!!
1. Waar is die kantore vd KVBA geleë?
2. As die minister self ‘n kriminele rekord het, wat verwag mens dan van werknemers?
Hoed, jy kan weer belangrik lyk op tv.
Hoe ironies. Voor die kantore waarheen jy gaan om juis jou geskille te probeer oplos. Tragies dat emosies en humeure die oorhand kry en vuurwapens gebruik word om die geskil te besleg. Dooies praat nie terug nie.