Skok oor rassisme ná tragedie by skool

‘n Skermskoot van die uitlatings.

Die tragedie by die Hoërskool Driehoek in Vanderbijlpark waar drie kinders dood is toe ʼn voetoorgangbrug ineengestort het, het ʼn rassistiese nadraai gekry.

Ene Siyanda Dizzy Gumede het ná die voorval ʼn inskrywing op sy Facebookblad gemaak wat lui: “Dont have heart to feel pain for white kids. Minus 3 future problems (sic).” Nog ʼn persoon, ene Sam Moon, het daarop geantwoord: “Minus 3 land criminals, great news.”

Lindsay Maasdorp, omstrede nasionale woordvoerder van die BLF, het ook op die tragedie reageer deur te sê: “God is on our side.” Zwelakhe Dubasi, adjunksekretaris-generaal van die BLF, het op sy beurt gesê: “Ancestors are with BLF, as we fight they fight too. They shake the land and white buildings built on stolen land collapse. Keep fighting Zinyanya, you are fighting a good fight. Camagu! (sic)”

Adv. Anton Alberts, VF Plus-voorsitter, het intussen gesê die party dring daarop aan dat die Menseregtekommissie (MRK) dié uitlatings met dieselfde dringendheid ondersoek as in vorige gevalle waar wit mense van rassisme beskuldig is.

‘n Skermskoot van die uitlatings.

“Wat hierdie uitsprake vererger, is dat dit geheel en al gevoelloos én hartelose kommentaar is op ʼn situasie waar kinders op ʼn grusame wyse gesterf het.

“Die MRK kan daarvan bewus wees dat die VF Plus sy optrede met groot belangstelling sal volg om seker te maak dit word deeglik ondersoek en met dieselfde erns as sake waarin wit mense van rassisme beskuldig is.”

Alberts het gesê die MRK het telkens in sulke gevalle nie gehuiwer om sonder skroom deur openbare optrede en uitsprake te reageer teen die oortreders en sodoende direk betrokke te raak nie.

‘n Skermskoot van die uitlatings.

“Dit is ʼn duidelike bewys van rassewrywing wat in die Suid-Afrikaanse gemeenskap opbou, juis omdat ʼn organisasie soos die MRK oënskynlik nie groot erns toon om kragdadig op te tree wanneer ʼn openbare figuur soos Julius Malema mense openlik tot geweld teen wittes aanhits nie.

“Die VF Plus sal nie langer staan en toekyk dat selektiewe optrede teen rassisme die maatstaf in Suid-Afrika word nie. Dit is in die belang van alle regdenkende mense in Suid-Afrika dat daar kragdadig, maar sonder vooroordeel, teen enigiemand opgetree word wat hom of haar aan rassisme skuldig maak.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

141 Kommentare

jongste oudste gewildste
Wurmpie

Kom nou Lesufi sê iets. Jy was mos baie vinnig by Sweiser en waar is die DA nou. Kom rek nou

Marthie

Die is nou nie mooi nie hy is regtig verkeerd se nou dit was sy kind wat dan almal is kinders vd Here wat hy nou sê is heeltemal verkeerd ons het ook gevoelens wat gaan aan die saak gedoen word hy mag ook nie weg kom met dit nie

Zach

Ek, aanbid n lewende God, wat nie slaap nie…….so, ek het slegte nuus vir jou en jou antsistors…

Kwaaitjie

Sjoe, ek weet die is nuuswaardig en dis baie onnodig om so iets te sê MAAAAAR : Kon MM nie maar die berig gelos het nie.
Nou sien die ouers van die oorledenes dié berig en maak dit hul seer net soveel meer.

My hart gaan uit aan elke ouer en leerder wat hierdeur geraak is en bid vir volkome herstel vir die leerders wat beseer is in die verskriklike tragedie.

Penellope Jones

Dis so skokkend dat ek nie weet hoe om dit te verwoord nie. . . .