Skok oor video van ‘rasaanval’ teen pizza-man

'n Skermskoot uit die video.

‘n Skermskoot uit die video.

ʼn Motoris gaan strafregtelik aangekla word nadat hy glo met sy motor ʼn pizza-afleweraar van sy motorfiets af gestamp en ʼn video daarvan op sosiale media geplaas het.

Die video is sedertdien wyd op sosiale media gedeel. Op die video kan gesien word hoe die Debonairs-afleweraar op sy motorfiets langs ʼn motor by ʼn verkeerslig wag. Die bestuurder van die motor sê in kru taal aan sy passasier dat hy die man van sy motorfiets gaan afstamp omdat hy swak bestuur. Die motoris gebruik ook die k-woord in die video.

Debonairs het sedertdien in ʼn verklaring die voorval bevestig en gesê die voorval het in Port Elizabeth gebeur. “Ons is woedend oor die voorval en veroordeel alle vorme van rassisme ten sterkste,” het ’n woordvoerder van die kitskos-kettinggroep gesê. “Sodra ons die feite met die betrokke tak uitgeklaar het, sal ons ’n klag teen die bestuurder van die motor aanhangig maak.”

Debonairs het ook gesê die motorfietsbestuurder is nie ernstig beseer nie.

Intussen het talle sosialemediagebruikers hulle skok oor die voorval uitgespreek. Athol Trollip, die DA se provinsiale leier in die Oos-Kaap, het ook die voorval op Twitter veroordeel. Volgens ‘n woordvoerder van Trollip se kantoor sal hy aanklagte van crimen injuria en aanranding met die doel om ernstig te beseer omstreeks 11:00 by die Humewood-polisiestasie aanhangig maak. Hy het die motorfietsryer as Omoese Acboriyede geïdentifiseer, maar gesê die identiteit van die motoris is nog nie bekend gemaak nie.

Die video bevat uiters kru taal en die k-woord word gebruik. Dit is nie vir sensitiewe kykers bedoel nie en diskresie word aanbeveel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

79 Kommentare

jongste oudste gewildste
Henk

Die man in die video verdien al die moeilikheid wat hy gaan kry…..hy blaas net rassehaat aan

WICUS

sluit die man toe

Dawid

Staged! Maar hoekom veroordeel ATOL nie die 9 jaarige kind se moord nie.

Mielie

Wat n stupid idiot. Hy gaan Sy werk verloor en meer moeilikheid he as wat hy kan hanteer. Hy maak weer eens die AfRiKaNeR as sleg en rassisties uit. Gaan vir anger management en ook sosiale media klasse, sluit sommer by EFF aan, dis waar sulke mense hoort

G du Plessis

Sluit hom in Pollsmoor toe vir lank !!!