Skok oor Vrystaat-busongeluk

Foto: Departement van gesondheid.

Foto: Departement van gesondheid.

Die minister van vervoer, politieke partye en verskeie ander organisasies het hul skok en medelye uitgespreek ná Sondag se busongeluk in die Vrystaat waarin 11 mense dood en 59 beseer is.

Die bus het ANC-ondersteuners van Port Elizabeth na Ekurhuleni vervoer vir Saterdag se verkiesingsmanifesbekendstelling van die ANC.

Dipuo Peters, minister van vervoer, het haar meegevoel betuig aan die familie en vriende van die oorledenes sowel as die “hele ANC-familie”. Sy het ook die beseerdes spoedige beterskap toegewens.

Die South African National Civic Organisation (Sanco) het ook sy meegevoel met die oorledenes se familie en vriende betuig. “Ons gebede en gedagtes is met hulle in dié tyd van hartseer,” het Jabu Mahlangu, Sanco se nasionale woordvoerder, gesê.

Mondlo Gungubele, burgemeester van Ekurhuleni, het vroeër sy skok oor die ongeluk uitgespreek. “Daar is geen manier om te beskryf hoe ek voel nie. Hierdie mense was Saterdag saam met ons en vandag [Sondag] is hulle nie meer hier nie. Mag hul siele in vrede rus. Die verlies van een lewe is al klaar ʼn ramp. Hierdie voorval is ʼn verwoesting.” Die ANC-Vroueliga het ook medelye met die oorledenes se familie en vriende uitgespreek.

Die DA het ʼn beroep op die polisie gedoen om sy ondersoek na die ongeluk so spoedig moontlik af te handel. “Ons wil graag ons gebede opdra aan diegene wat beseer is en wens hulle spoedige beterskap toe, sowel as aan die ANC. Ons doen ʼn beroep op die polisie om die ondersoek spoedig te hanteer ten einde berusting te bring vir die families van die oorledenes,” het Refiloe Nt’sekhe, woordvoerder van die party, gesê.

Die EFF het ook sy meegevoel betuig met die oorledenes se familie en die ANC.

Lees alle vorige berigte oor die Vrystaat-busongeluk op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
ig

Bla bla bla.Die ANC staan in die beskuldegingsbank want hoe kan jy verwag n bus vol mense moet tussen Vrydag en Sondag oor die 2000 km ry en dit nog na n after party Saterdag?

NET EKKE

Die familie moet nou eis van die ANC dalk kan zuma Nkandla verkoop en die familie ondehou

Jan maak n Plan

Ek hoop dat dit vir die mense n wekroep is om hulle nie deur politieke partye as “rent a crowd” te laat gebruik nie. Want verseker sal die ANC nie een sent hiervoor betaal nie eerder die belasting betaler.

Zumie

Nou wonder ek net of daar ook so ‘n hewige reaksie sou wees as dit ‘n bus vol DA ondersteuners was….. maar ek verstaan die reaksie, die ANC se ondersteueners raak al hoe minder so hulle moet oppas wat hulle het..

Francois le Cochon

Ek lees op News24, dat die ongeluk gebeur het toe die 2 busbestuurders sitplekke omgeruil het, TERWYL DIE BUS GERY HET !!!