Skokonthullings van kindermishandeling in ma en ouma se saak

WAARSKUWING: Die inhoud van die berig is grafies van aard en kan sensitiewe lesers ontstel.

Argieffoto

Argieffoto

ʼn Durbanse vrou en haar ma word nie net daarvan beskuldig dat hulle die jonger vrou se driejarige vermoor het nie, maar ook dat hulle die vrou se drie ander kinders gemartel en seksueel misbruik het.

Hulle het die kinders glo met ʼn warm strykyster en sigarette gebrand terwyl daar glo rissies in die driejarige, wat later dood is, se vagina ingedruk is. Die oudste seun se penis is glo ook met ʼn sigaret gebrand.

Die inligting is vervat in die akte van beskuldiging wat Donderdag voorgelê is tydens die 32-jarige vrou en haar 55-jarige ma se verskyning in die Chatsworth-landdroshof. Die vroue staan tereg op drie aanklagte van aanranding met die doel om ernstig te beseer, vier aanklagte van kindermishandeling, ʼn klag van seksuele aanranding en drie aanklagte van versuim om mediese bystand te lewer.

Die ouma staan tereg op ʼn bykomende aanklag van moord, twee van seksuele aanranding en ʼn klag van verkragting. Volgens die akte van beskuldiging het die ma in Junie 2007 aansoek gedoen om haar kinders in pleegsorg te plaas weens haar finansiële situasie en dwelmgewoontes.

Die kinderhof in Durban het die twee oudste kinders, ’n seun en ’n meisie wat nou onderskeidelik 10 en 8 jaar oud is, in die sorg van die ouma geplaas. Die derde kind, wat oorlede is, is by geboorte in die ouma se sorg geplaas. Die ma word daarvan beskuldig dat sy die drie kinders talle kere saam met haar geneem het om vir geld te bedel.

Die kind wat oorlede is, is glo van kos ontneem en daar is glo sigarette in haar vagina opgedruk. Die ouma het haar glo ook verskeie kere aan ʼn bed vasgemaak. Die ma het die oorledene glo op 17 November 2014 teen die grond vasgedruk en vir haar jongste dogter, ’n tweejarige kleuter, opdrag gegee om haar met ʼn liniaal te slaan. Die ouma het die oorledene glo die volgende dag verder mishandel en glo so hard deur die gesig geslaan dat sy gebloei het. Die kind is glo op 19 November weer met ʼn sigaret op haar vagina gebrand en sy is later die aand oorlede.

Die saak teen die twee vroue is tot 8 Desember uitgestel wanneer hulle in die hooggeregshof in Durban sal verskyn en daar na verwagting ʼn verhoordatum bekend gemaak sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

47 Kommentare

jongste oudste gewildste
Elmarie Pretorius

Grusaam hul verdien nie om te lewe elke daad moet teippel met hul gedoen word . God het jinders vir ons geskenk wie is ouers om so met hul te werk ek hoop en vertrou dat die Landros hul lewenlank vonnis

Monique

Ek haat mense!

My hart bloei vir die kinders, veral die een wat dood is. Dit moes vir haar verskriklik gewees het. My hart is stukkend.

Ella

Klink vir my na ‘n bose kringloop van wrede mishandeling wat seker by die ouma begin het! Wie weet..miskien is hulle met Sangomas en demone ook deurmekaar. Ek stem saam, mense wat dit aan kinders doen, het nie die reg om te leef nie. Daardie kinders is nou vir die res van hul lewens sielkundig vermink..

Gideon

Walglike ouma en ma- maar ek dink ook ons land se maatskaplike stelsel moet voor hof gedaag word! Hoekom as daar nie opvolg nie, daardie arme kind moes nooit by die ouma geplaas geword het nie, en daardie klein babatjie moes weggeneem geword het en vir ‘n ouerlose egpaar gegee word!

francois

Daai 2 is nie honde nie.Honde doen dit nie met hul kleintjies nie.Bring daai 2 goed wat n spoor trap soos n mens.Gee hul vir ons die publiek.n Sigaret is te klein.