Skokvideo van kettingbotsing tussen motorfietse, voertuie

'n Skermskoot uit die video. Die video volg onderaan die berig.

‘n Skermskoot uit die video. Die video volg onderaan die berig.

WAARSKUWING: Nie vir sensitiewe kykers nie

Drie motorfietsryers het onlangs ʼn noue ontkoming gehad tydens ʼn kettingbotsing op die pad na Hartbeespoortdam naby Pretoria in Gauteng.

Die bestuurder van een van die motorfietse, slegs bekend as Kyle, het ʼn kamera aan sy valhelm gehad en die botsing op video vasgelê. Hy het die beeldmateriaal op 29 Julie op YouTube gelaai.

In die video ry Kyle, agter ene Kevin, toe ʼn Mercedes-Benz vir stilstaande verkeer uitswaai, ʼn ander motor aan sy kant tref en dié voertuig van die pad af stamp. Die Mercedes-Benz kom voor die motorfietsryers tot stilstand, waarna Kevin, Kyle, én die derde motorfietsryer, slegs bekend as Zane, mekaar tref.

Kyle het in die beskrywing by die YouTube-video geskryf hy is “gelukkig” dat hy geen bene gebreek het nie. Hy sê hy het net spiere gerek en beserings aan sy regterbeen en linkerhand opgedoen. “Kevin het sy arm, enkel en ruggraat gebreek. Hy het ook harsingskudding opgedoen,” het Kyle gesê. “Zane het ʼn diep sny onder sy knie opgedoen. Die sny was só diep dat die been uitgesteek het.”

Volgens Kyle is die bestuurder van die Mercedes-Benz ongedeerd. Die polisie was op die toneel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Mias

Dis presses wat met my gebeur het 15 jaar terug dis nie motorfiets se skuld dai kar het voor motorfiets ingedraai

Yvonne

Ek as vrou ervaar elke keer wanneer ek op my motorfiets klim motoriste se minag vir motorfietsryers. Mans wat in hul tru-spieeltjies jou in die gesig kyk, en dan voor jou inswaai. Dis ‘n klug dat meeste “bikers” onverantwoordelik is.

Annamarie

My Seun is verlede jaar oorlede agv ‘n motorfiets ongeluk. ‘n Swarte op ‘n trapfiets het reg voor hom ingery op die Wagpos pad hier in Brits…..hy het geen kans gehad nie. Dit is skrikwekkend hoeveel minag daar is vir motorfietse. Die voetgangers en motoriste is roekeloos en dobbel met mense se lewens. Motorfiets ryers het ook reg om openbare paaie te gebruik..hulle betaal ook lisensie gelde !!!! Dink net hoe jy sal voel as dit jou familie lid en geliefde is wat so moet heengaan. THINK BIKE ASB. Ek is ‘n diep bedroefde Mamma……

Johan

Uit die video kan ek verstaan dat die eerste motorfiets (Kevin) die motor getref het en nie die ongeluk kon vermy nie, maar ek sien geen rede waarom die 2de en 3de motorfietse (Kyle en Zane) ook betrokke moes wees nie. Laat dit nou ‘n les wees vir ander motorfietsryers om volgafstand aan te pas by die spoed wat jy ry, sodat daar betyds gestop kan word indien iets voor jou gebeur.

Ignatius

Uit die kommentare en ondervinding van mense met motorfietse en ongelukke wat daarmee gepaard gaan is dit baie duidelik dat ‘n motorfiets ‘n gevaarlike ding is om mee te ry.
Nee dankie, nie ‘n motorfiets vir my nie.