Skolier steek klasmaat met skêr dood

Argieffoto

Argieffoto

ʼn Hoërskoolseun van Ebony Park in Midrand, Johannesburg, is Maandag op die skoolterrein dood nadat ʼn ander leerder hom met ʼn skêr gesteek het.

Songezo Mabindla (21), ʼn leerling aan Tsosoloso ya Afrika Sekondêre Skool, is met ʼn skêr gesteek nadat hy met ʼn ander leerder rusie gemaak het. Die polisie en nooddienste is na die skool ontbied, waarna die leerder in hegtenis geneem is.

“Hy was ʼn stil seun en het nooit enigiemand gepla nie. Hy het ons altyd gegroet,” het ʼn veiligheidsbeampte by die skool aan News24 gesê. “Hy het altyd gehoor gegee as ons hom gevra het om iets uit trek wat nie deel van die skooluniform is nie of om die skoolreëls te volg.”

ʼn Gedenkdiens vir Mabindla is in die skoolsaal gehou.

News24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Gert van der Merwe

n’ Skoolseun ouderdom 21. Wat soek hy op skool tussen kinders. Dit is die skool se skuld. Hulle moes hom nie toegelaat het nie. Hy is dan n volwasse man.

Lila

21! En nog op skool! Dit is die eerste four in hierdie berig!

Peet Schabort

Hoekom 21? Bloot die feit dat uitkomsgebaseerde onderwys nog te moeilik is.
Oplossing: gee die man sy sertifikaat maar maak ook die onderrig nóg makliker. Wat Nzimande nie wil besef is dat vordering afhanklik is van die stadigste een in die klas.

claudia

Ek bid genesing vir die kind se familie en vriende.
Ek haal my hoed af vir die seun wat elke dag skool toe gegaan het, en nie net na n druip jaar opgeskop het en gaan steel en bedel het nie. Sommige mense sou net opgee soos baie mense doen. Dit kon nje maklik gewees het nie.
Daar is nie meer spesiale skole nie. Seun mag jul vrede vind. En die kind wat jou vermoor het hulp kry.

Neptunus

‘n Veiligheidsbeampte by die skool? Nou dáár is ‘n leidraad oor watter tipe plek dit is.