Skool brand ná matrieks weier om eksamen te skryf

Foto: Verskaf.

Die administratiewe blok van die Ndaliso-hoërskool in die Mtontsasa-omgewing in die Oos-Kaap is Dinsdagaand in ʼn brand verwoes ná leerders van dié skool vroeër die dag geweier het om hul eerste matriekvraestel af te lê.

Mali Mtima, woordvoerder van die departement van onderwys in die Oos-Kaap, het gesê die voorval kom nadat bevorderde leerders (leerders wat na matriek oorgeplaas is nadat hulle graad 11 vir ʼn tweede keer gedruip het) ontevrede was omdat hulle al hul vakke wou skryf in teenstelling met die departement se aanbeveling dat hulle van hul vakke vanjaar en ander vakke volgende jaar skryf omdat hulle kandidate vir “veelvuldige eksamengeleenthede” is.

“As gevolg van dié betoging kon 350 leerders gister nie hul eerste Engelse addisionele taal vraestel skryf nie. Alles moontlik is probeer om hulle te oortuig, maar tevergeefs,” het Mtima gesê. Net agt leerders het volgens Mtima opgedaag om die eksamen te skryf.

Uit die 358 kandidate wat geregistreer is om te skryf, is 232 bevorderde leerders en 126 leerders wat graad 11 geslaag en daarna na matriek bevorder is.

Die adjunkhoof van die skool is ook tydens die voorval aangerand. Betogers het onder meer geëis dat die departement aan hulle toestemming moet gee om al sewe vakke te skryf en dat hul nuwe gr. 11‑rapporte moet ontvang wat toon dat hulle geslaag het alhoewel hulle eintlik gedruip het.

Tydens ʼn vergadering met die leerders het een groep ingestem om van vandag af hul eksamens af te lê, terwyl die ander groep geweier het om bes te gee. ʼn Nabygeleë skool sal nou gebruik word om die leerders wat wíl skryf, te akkommodeer.

Gedurende die nag het gemeenskapslede die polisie gebel om hulle in kennis te stel dat die Ndaliso-hoërskool brand. Owerhede is na die toneel om die brand te blus en die polisie monitor nou die gebied.

Mtima sê die departement sal aanhou om met die groep wat weier om te skryf te praat. Belanghebbendes het om 10:00 vanoggend weer vergader, en die vergadering duur steeds voort.

Kapt. Nozuko Handile, woordvoerder van die polisie, het gesê die polisie ondersoek ʼn saak van brandstigting. Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

72 Kommentare

jongste oudste gewildste
Freddie

Dis wat gebeur as jy mense laat slaag wat gedop het. “O nee, ons wil niemand in die gesig vat nie.” Hoekom nog toetse skryf?

Alida

Mooi man daar wag vir hulle lekker poste in die staatsdiens. Sars en Sassa amptenare bv.

Willehond

Maak hulle ingeneurs by Sasol! Uitstekende loopbaan daar met graad een sertifikaat. Aandele en elke ding wat jy begeer!

Gordon

hulle het mos nou nie daai een mooi deur gedink nie. more brand hulle iets anders af omdat hulle nie n skool het nie…manne 1+1 is nie 3 nie…

theo

Hoekom nog sukkel dat hulle moet eksamen skryf.Hulle wys mos hulle stel nie belang om eksamen te skryf nie.Alles moet mos gegee word.