Skool, departement aanspreeklik ná kind verdrink

Foto: Laerskool Bekker/Facebook

Die hoof en vier onderwysers van die Laerskool Bekker in Magaliesburg het nalatig opgetree rakende die verdrinking van ʼn 13-jarige leerder.

Die skool en die Gautengse departement van onderwys is aanspreeklik vir die verdrinking van die gr. 7-leerder. Dít is die bevinding van ʼn verslag oor die verdrinking van Keamogetswe Seboko.

Hy het op 15 Januarie vanjaar in die koshuis se swembad verdrink. Keamogetswe se liggaam is omstreeks 16:00 die betrokke dag in die swembad gevind.

Panyaza Lesufi, Gautengse LUR vir onderwys, het Vrydag die verslag aan Keamogetswe se familie oorhandig.

Daar is bevind die vier onderwysers en die hoof was nalatig omdat hulle glo nie vinnig opgetree het nadat die voorval aangemeld is nie. “Daar is onder meer bevind dat hulle nie leerders in hul sorg opgepas het nie,” lui ʼn verklaring van die onderwysdepartement.

Die skool word as aanspreeklik beskou en daarna moet die departement verantwoordelikheid neem.

Die nodige dissiplinêre stappe sal teen die onderwysers en die skoolhoof gedoen word en die departement sal met Keamogetswe se gesin ʼn gepaste vergoeding ooreenkom.

“Die departement het die verslag aanvaar en onderneem om alle aanbevelings in werking te stel.”

Lesufi sal Saterdag met die bestuur en die beheerliggaam van die skool vergader.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Sarel

Skole moet nou maar hulle swemvaddens toegooi

Mallie

Dis onregverdig. Dit is nie hulle verantwoordelikheid om te sorg dat leerders kan swem of nie. Dis elke ouer se plig.

Pieter J

Hulle gee nie werklik om oor die kind wat verdrink het nie maar soek net ń verskoning om al weer belastinggeld uit te deel. Geen geld in die wêreld kan vergoed vir die verlies van ń kind nie.

Hercules

“For we are not fighting against flesh-and-blood enemies, but against evil rulers and authorities of the unseen world, against mighty powers in this dark world, and against evil spirits in the heavenly places” Eph 6:12 NLT

Hennie J

Wat n lagwekkende bevinding wat smaak na n Lesuffi aangestelde panel. Hierdie is niks anders as n manier om van wit onderwysers ontslae te raak en om toe te sien dat staatsgeld wederegtelik uitbetaal word. Is daar nou n prys op die lewe van die kind?