Skoolhoof aangekeer oor lyfstraf

Argieffoto

Die skoolhoof van die Lydenburg Islamitiese Sentrum in Mpumalanga is in hegtenis geneem ná berigte van lyfstraf by die skool.

Brig. Leonard Hlathi, woordvoerder van die polisie, het gesê ʼn 10-jarige leerder van die sentrum is op 1 April na ʼn hospitaal geneem waar personeellede aan die verpleërs gesê het hulle vermoed die seun is allergies vir iets, omdat sy oë bloedbelope was. “Personeel by die hospitaal was egter agterdogtig toe die sentrumbestuur nie wou hê hy moet enige vrae beantwoord wat hulle aan hom stel nie – hulle het namens hom geantwoord,” het Hlathi verduidelik.

Toe daar besluit is om die seun op te neem, het die 25-jarige skoolhoof daarop aangedring om by die seun te bly. “Sy versoek is afgekeur, omdat dit teen die hospitaalbeleid is. Tydens die behandeling en ander mediese ondersoeke, het personeel van die hospitaal ernstige beserings op die seun se boude opgemerk. Op navraag het hy gesê die skoolhoof het hom met ʼn tuinslang geslaan.”

Die 10-jarige seun, oorspronklik van Kaapstad, is na die sentrum gestuur om die Koran te leer. “Hy het gesê die skoolhoof slaan hulle wanneer hulle sy toetse druip. Hy is in ʼn stadium só geslaan dat hy snags sy bed begin natmaak het wanneer hy slaap. Verklarings van ander leerders en personeellede het die erge lyfstraf bevestig. Vyf leerders het na vore gekom,” het Hlathi bygevoeg.

Die skoolhoof is in hegtenis geneem en moet Maandag in die Mashishing-landdroshof verskyn op vyf aanklagte van aanranding met die doel om ernstig te beseer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Hennie

Sies, kom ons maak die Moslem wyd en Suid bekend!

Heidi

Iets werk nie?!………’n 25-jarige Skoolhoof????!!!!! Dis seker dieselfde stoffasie wat die 2 meisies ook swanger het!! Hierdie “pakslae” klink in elk geval verdag, want die beskrywing klink na aanranding.

Barry

Daai ou moet tronk toe kinders mag nie so gelaan word dat dit erenstige merke laat nie dis mishandeling,

Saint

Haai en daar het ek toe gedink die Muslims is bo die wet verhewe in SA

Anton

Ja dit is hoe hulle die wereld oor kinders forseer om die taal te leer deur dit in hulle in te slaan.