Skoolhoof glo in skokfoto’s met leerlinge

Argieffoto

Skokkende beeldmateriaal van ʼn voormalige hoërskoolhoof van die Oos-Rand wat glo leerlinge in sy kantoor seksueel misbruik het, het vandeesweek soos ʼn veldbrand op sosiale media versprei.

Panyaza Lesufi, Gautengse LUR van onderwys, het met “teleurstelling en afgryse” op die video en foto’s gereageer en die departement gemaan om ʼn ondersoek van stapel te stuur.

“Ons voorlopige ondersoek dui daarop dat die skoolhoof in Oktober 2017 bedank het en sy laaste dag aan diens was op 15 Januarie. Hy is nie meer in die diens van die departement nie, ons gaan hom egter by die Suid-Afrikaanse Raad vir Opvoeders (Saro) aanmeld sodat hy onmiddellik van die rol geskrap word,” het Steve Mabona, Lesufi se woordvoerder, in ʼn verklaring gesê.

Die departement sal die skool Maandag besoek om die nodige ingryping te doen. Die span sal berading aan die leerders wat geraak is verskaf en die ouers bystaan om die beweerde dade by die polisie aan te meld.

Die DA het die “walglike gedrag” ook ten sterkste veroordeel.

“Dit is ʼn absolute skande dat ʼn skoolhoof wat veronderstel is om ʼn ware leier en ʼn voog te wees, betrokke is by hierdie soort gedrag,” het Khume Ramulifho, DA-LP, gesê.

“Ons verwelkom die feit dat die sekspeshoof reeds bedank het, maar sy dade mag nie ongestraf bly nie. Hy het hierdie leerlinge van hul onskuld ontneem en moet die volle mag van die gereg in die gesig staar.”

Die DA het gesê die hoof se naam moet genoem en verneder word en het versoek dat ʼn kommissie van ondersoek die omvang van seksuele misbruik by skole in Gauteng ondersoek.

Die DA het gesê die skoolhoof was glo verbonde aan ʼn hoërskool in Reigerpark.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Cherokee

Hehe… geluk met jul oorwinning, Overvaal!

Renier

Gee sy naam en adres vir die ouers van die slagoffers en laat húlle hom beetkry. Verfoeilik!

SjN

Lesufi moet self daar wees, nie n afvaardiging nie, politieke agenda word tans gevolg.

Hanna

Maar ons toi toi voor die Afrikaanse skole! Belaglik!

O aarde

Gelukkig is dit nie ‘n Afrikaanse skool nie, want dan was die plek seker al tot op die grond afgebrand. Die man moet die swaarste straf moontlik kry. Seker ‘n SADOU lid ook nog.