ʼn Groep skoolkinders het verlede week op ʼn gruvonds by ʼn snoepwinkel in die noorde van Durban afgekom en uit vrees hul onderwysers eers Maandag daarvan vertel.
Kyle van Reenen, woordvoerder van Marshall Security, het gesê die kinders het ʼn plaaslike snoepwinkel, wat uit ʼn huis in Bhamolaan in Avoca bedryf word, gaan besoek om iets te koop.
“Toe hulle daar aankom, het hulle op die erg ontbinde liggaam van die 58-jarige winkeleienaar in sy kombuis afgekom. Hulle het uit vrees eers Maandagoggend hul onderwysers daarvan vertel, waarna die plaaslike buurtwag, die polisie en veiligheidsmaatskappye ontbied is,” het Van Reenen gesê.
Volgens inwoners is die man vir die laaste keer aan die einde van Julie gesien. Die oorsaak van die man se dood is nie bekend nie en sal deur ʼn nadoodse ondersoek bepaal word.
Die polisie stel ondersoek in.
Genade hy lê al so lank daar. Het daardie mense nie reuk sintuie nie?
Dit ruik vir my na ‘n frot vis.
Ja, ek wonder ook. Uit vrees waarvoor het hulle gewag?
Snoepwinkel maar wat soek hulle in die kombuis?
Want dis nie die tipe snoepie waarvan jy dink nie dink dis meer spaza shoppy
Ai dis vir my altyd hartseer as ek so iets lees – waar is familie en/of vriende van die oorledene dat niemand hom eers vermis of gesoek het nie?
En niemand was sedert einde Julie naby die snoepie nie?