Rowers het onder meer juwele by die paartjie geëis. (Foto: Emer-G-Med)
ʼn Man is in die buik gewond nadat ʼn groep gewapende rowers hom en sy vrou met hul terugkeer na ʼn hotel in Fourways, Johannesburg, oorrompel en beroof het.
Kyle van Reenen, woordvoerder van die nooddiens Emer-G-Med, sê die groep gewapende aanvallers het die egpaar buite die hotel aangeval nadat die twee gaan inkopies doen het.
“Die mans, glo gewapen met pistole, het hul besittings, waaronder luukse juwele, geëis. ʼn Struweling het glo ontstaan en een van die verdagtes het ʼn skoot afgeskiet wat die man in die buik getref het,” sê Van Reenen.
Die rowers het daarna laat spaander.
Paramedici het die gewonde slagoffer op die toneel behandel voor hy na ʼn hospitaal gehaas is.
Die polisie ondersoek die voorval.
SKUIM!!
Welcome to South Africa!
As hulle inkopies gedoen het by juwelierswinkels, is hulle waarskynlik agtervolg deur boewe wat staatmaak op personeel in winkels wat inligting lek. As hulle duur juwele aangehad het, kon “spotters” hulle dalk in sentrums of restaurante opgemerk het en vir die maatjies wat buite wag laat weet. Hulle agtervolg jou en slaan toe as die kans hom voordoen. Netwerke van kriminele in winkels. So doen ons nou maar in Gauteng inkopies in ou klere, met geen juwele aan nie, dan word jy ten minste nie geteiken nie. Siek land van kriminele uitskot.
En vir dit moet ons die knie buig? Veragtelik verby
Absoluut skokkend. Suid-Afrika is regtig ‘n gangsters paradise. Boewe tree so op omdat die kans dat hulle gevang en vervolg gaan word uiters skraal is.
Waar was Hotel Sekuriteit…
Binne….of Buitelanders
Natuurlik sit die EFF en ANC agter dit.
Kyk maar op die kring tv kameras as hulle nie per abuis afgeskakel is nie. Miskien word n booswig herken deur sy vriende in die hotel.