Skrywer se huishulp sterf ná wrede aanval

Herman Toerien. Foto: Verskaf

ʼn Maroela Media-skrywer se huishulp wat wreed aangeval is in ʼn rooftog op sy huis in Bloemfontein het Sondag in die vroeë oggendure aan haar ernstige beserings beswyk.

Mita Koromang (66) was sedert die aanval Vrydagoggend in die waakeenheid van die Pelonomi-hospitaal en het nie weer bygekom nie. “Haar kleindogter Lerato het ons 03:00 per SMS laat weet dat sy vroeg vanoggend oorlede is,” het Herman Toerien, wat self ook in die aanval beseer is, Sondagoggend gesê.

Koromang word oorleef deur albei haar ouers en haar man, wat flou geval het toe hy die tyding van die aanval op sy vrou kry, vertel Toerien.

“Sy is in ons huis vermoor, waarskynlik omdat sy haar so verbete teen die huisrowers verset het om my en ons seun, Juandré, kans te gee om te probeer vlug. Hulle kon haar eenvoudig nie stilkry nie, ten spyte van vier messteke.

Toe ek gegryp is, het sy nog harder geskree.

“Toe ek gegryp is, het sy nog harder geskree, en toe skielik stil geraak. Dit blyk later dat hulle haar kop teen die muur gestamp het, en in die proses ernstige hoofbeserings besorg het. Sy was bewusteloos.”

Toerien het Vrydag gesê hy was omstreeks 09:00 tuis voor sy rekenaar besig toe hy Koromang hoor gil het. Hy het ondersoek ingestel toe ʼn onbekende man, gewapen met ʼn mes, op hom afstorm.

Toerien het probeer om die veiligheidshek tussen hom en die aanvaller toe te druk, maar een van die aanvallers het dit oopgeruk. “Ek is mos nou maar so-so tussen die krukke en die rolstoel, en ek weeg nou minder as 70 kg, so ek is nie juis in ʼn toestand om met ʼn gewapende aanvaller te baklei nie,” het hy Vrydag vertel.

Waldenström-kanker, ʼn soort limfatiese kanker, is drie en ʼn half jaar gelede by hom gediagnoseer en hy kry sedertdien intensiewe behandeling, waaronder chemoterapie. Hy het nietemin probeer om hom teë te sit en het die aanvaller met ʼn erdepot gegooi.

Die hele tyd is ek met die mes gedreig of dat ek geskiet sou word.

Toerien het probeer weghardloop, maar die rowers het hom ingehaal. Hulle het hom van agter met die mes bygedam, maar hy sê genadiglik het net die hef hom teen die rug getref en nie die lem nie. Die rowers het hom daarna met kabelbinders vasgebind. “Die hele tyd is ek met die mes gedreig of dat ek geskiet sou word.”

Die rowers het vermoedelik in hierdie tyd op die vlug geslaan, want die huis het kort daarna stil geword. Volgens Toerien het Juandré (27), sy jongste seun wat outisties is, daarna uit sy kamer gekom. Juandré het weens sy outisme beperkte begrip- en spraakvermoë, maar kon daarin slaag om die kabelbinders om sy pa se hande los te sny.

Hy het Koromang dadelik te hulp gesnel waar hy haar bewusteloos op die vloer aangetref het. Daarna het hy sy vrou, Joan, en die polisie gebel. “Sy het die AfriForum-buurtwag gebel om te kom help. Ek het op daardie oomblik nie eens aan die buurtwag gedink nie; ek het net die polisie gebel. Die buurtwaglede was bitter gou op die toneel. Dit was ongelooflik,” sê Toerien.

Die buurtwag het dadelik met die polisie kontak gemaak en ʼn ambulans ontbied. “Hulle het Mita hier behandel met allerhande toerusting en goed en haar probeer stabiliseer. Toe het hulle haar in ʼn ambulans weggevat. Toe sy weg is, het ʼn groot bloedplas op die vloer agtergebly.”

Toerien het vertel Koromang het onder meer skedelbreuk opgedoen en vermoedelik ook ʼn breinbesering weens die aanval gehad.

Hy beskryf haar as “ʼn engel”. “Mita was ʼn baie opgewekte mens. Die honde, veral die een, was erg oor haar en sy kon vreeslik gesels met die hond wat so teen haar opspring. “Eers werk; dan speel.”

Sy het die indruk gewek van een wat gespark het om die werk klaar te kry.

Sy was gereeld aan die draf, onthou hy. “Sy het die indruk gewek van een wat gespark het om die werk klaar te kry. Sy kon nie lees of skryf nie, en ek dink haar oë was nie baie goed nie, want die radio by my bed se lugdraad, wat swart en dus nie baie duidelik is nie, het gereeld in die slag gebly. Ek het dit toe maar later geskuif,” onthou hy met ʼn lag by die traan.

“Mita het nog maar sewe maande by ons gewerk, maar diep in ons harte ingekruip.”

Joan onthou haar as “’n blymoedige, vriendelike en innemende mens wat haar geloof prakties uitgeleef het.  Altyd op ’n drafstap en singend.

Sy het permanente voetspore in ons lewe nagelaat.

“Sy het ’n sagte plek vir ons outistiese seun gehad en hom altyd gevra om haar te help met wat sy nodig gehad het.  Wanneer sy in die oggende inkom, het sy eers gou seker gemaak dat dit goed gaan met ons almal en sy was veral gesteld om spesifiek te hoor hoe dit met Herman gaan.

“Ons Nala-hond het haar altyd omtrent omgespring van blydskap en dan kon sy so lekker lag oor die gul ontvangs.

“Sy was altyd baie dankbaar vir dit wat ons vir haar gedoen en gegee het. Sy het permanente voetspore in ons lewe nagelaat – een van daardie mense wat jy altyd sal onthou.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

41 Kommentare

Koos ·

Jy klink soos ‘n engel Mita en ek glo jy is nou een Mag jou aanvallers in die hel beland

Riaan Taljaard ·

Vandag is n hartseer dag want Mita het vir 28 jaar vir my en ons gesin gesorg.
Sy was n besonderse persoon en die lewe is n armer plek sonder haar.
Ons harte bloei vandag maar weet sy is in die hemel.
Ons meegevoel en gedagtes is saam Didi, Lerato en die hele gesin.

Schalk ·

Kom ons leef die hart van Abba jammer Mita.So bly wraak kom ons nie toe nie.Hulle weet nie wat hul doen nie.

Valerie ·

Nonsens! Hulle weet goed wat hulle doen! Hoekom altyd die blaam op ander plaas? Euwel ken euwel.
Sterkte, Herman en familie.

Spike ·

Dankie aan al die comrades. Julle het sa in anargie laat verval.

Anellle ·

Dit is net skokkend. Dit gaan eenvoudig nie stop nie. Tot daar niks oor is nie sal dit net eenvoudig voortgaan. Bitter hartseer! RIV Mira.

Alet Klaassen ·

Ek sluk swaar aan die trane. So jammer dat ons nog ‘n lewe moes afstaan as gevolg van ons regering se gulsigheid en onvermoe.

Magaret ·

Ek huil saam julle almal, oor die siel, en sinlose moord! Dankie vir jou Hemelse voetspore Mita. Rus in vrede?

Saartjie ·

En jou vraag is?

Sekerlik, Koos, besef jy dat aanvalle nie net tussen verskillende rassegroepe gebeur nie ?

PieterJohannes ·

Herman en gesin: Ons voel saam met julle oor Mita en met wat gebeur het. Ons waardeer jou insiggewende artikels. Baie sterkte vir julle en Mita se familie. Alle Suid Afrikaners is tans in gevaar a.g.v. die ineenstorting van die land. Misdadigers kry al meer vrye teuels om te ontwikkel en te maak wat hulle wil terwyl die land se gewone burgers geteiken word. Van die ouma wat in haar sink huis bly en nie ‘n ketting en slot kan bekostig nie, tot die mense wat in gegoede woonbuurte woon. Hoe meer jy besit en hoe swakker jy fisies raak hoe groter jou risiko. Selfs jou selfoon, tablet of rekenaar is al genoeg rede om aangeval en beroof te word.

Herman, ons bid vir julle en vir Mita se familie asook vir ons kosbare land Suid Afrika en AL sy mense. Mag ons genade vind by ons Hemelse Vader.

leser ·

herman en gesin, baie sterkte aan jou wat ook seergekry, mag jy gou herstel
aan mita: riv, jy word beskou as ‘n engel in toerien familie huis

Huh ·

Bietjie v n dom opmerking ne. So nie god of die duiwel kan misdadigers keer nie?

Cherokee ·

Dit is nie wat Francois gesê het nie. En het het God met ‘n hoofletter geskryf.

Cherokee ·

So ‘Huh’, dink weer wiè van julle se opmerking die dom een was. Defnislis nie die van Francois nie.

Adam ·

Ai, Koos, behalwe dat jy onsensitief is, is jy waarskynlik ‘n groot aanhanger van die volksmoord teorie. Dit is dalk tyd om te besef dat die tipe lewensverlies telkens volg op aanvalle op sagte teikens en gewoon die gevolg is van kriminele optrede van ‘n gemeenskap wie se morele weefsel verrot is. Tussen die hartseer is dit ten minste bemoedigend om kennis te neem van goeie verhouding tussen al die partye wat deur die voorval geraak is.

Philip ·

Baie tragies. Hierdie wreedaards her haar dood gemaak ondat sy ‘n witmens wil red van die bose aanvaal. Sy is inderdaad ‘n engel en mag sy in vrede rus. Simpatie met haar naasbestaandes

Elvira ·

Ag dis sooo jammer en tragies en hartseer. Dankie Ramaposa dat jy weier om jou oogklappe af te haal oor hoe dit in Suid Afrika gaan

Cornelia ·

Mnr Toerien en gesin, ontvang hiermee ook my innige meelewing en medelye met u verlies aan ‘n getroue en geliefde mens. Dit is my gebed dat u elkeen gesterk en getroos in God se Genade en Liefde gekoester word.

Mickey ·

Sorry julle, ek is nou so hartseer. Het geen ander woorde nie.

Essa ·

Nou huil ek saam met die Toeriens en Mita Koromang se man, ouers en alle geliefdes – alle mense wie se lewe sy verryk het. Innige simpatie; sterkte. Herman, pas jou gesondheid op in hierdie stresvolle omstandighede. ??

Wilma ·

Mag die moordenaars eers ini tronk beland en daar deur ander gevangenes goed verniel word en dan moet hul brand ini hel. Mita se geliefdes. Sterkte vi julle en probeer mense oorreed om daar waar jul woon Die ANC as moordenaars uit te kryt. Nix kan jul geliefde trugbring maar God Sorg nou vi Mita. Baie hartseer

Corné ·

So verskriklik wreed en onnodig. My hart is seer. My innige simpatie met die familie wat aangeval is en naasbestaandes.

Linda ·

Baie tragies dat weerlose mense soos Herman en Mita die teiken van rowers geword het !!! As iets nie drasties deur Cele (Min van Polusie) gedoen word nie, gaan sulke dinge net erger in ons land word !!!!!

Linda ·

Baie tragies dat weerlose mense soos Herman en Mita die teiken van rowers geword het !!! As iets nie drasties deur Cele (Min van Polisie) gedoen word nie, gaan sulke dinge net erger in ons land word !!!!!

Nita ·

Ek huil nou sommer s…t en trane oor die heengaan van die dapper vrou. Waarlik daar is geen groter liefde as dat iemand sy lewe afle vir iemand nie.

Ria Maritz ·

Met respek gesê … die oorledene is sekerlik EEN uit ‘n DUISEND wat so verbete sou veg vir haar werkgewer. Sterkte aan almal. Rus in Vrede.

Ilse ·

Rerig Koos? Jou kommentaar is nie net onnnodig nie, maar ook plein ongevraag.

Mrs H ·

Aai Herman, ek probeer in jou skoene staan en kan my nog steeds nie werklik indink wat jy, veral met jou gesondheid, moet deur gaan nie. Ek is so jammer vir julle. Ek is so hartseer vir die onnodigge lewensverlies van n betroubare hulp, werknemer, vriendin en famillie vrou van wyser jare. Die trauma glo ek, sal n ruk neem om te verwerk, maar kyk asb mooi na jou gesondheid en stuur ons simpatie asb oor aan die oorledene se gesin? Sterkte.

Herman Toerien ·

Baie, baie dankie aan almal vir hul beste wense, en die simpatie met Mita se mense. Gister was ‘n groep van die familie hier om om ‘n kers gebede te doen. Niks verwytend nie. Dit gaan so goed soos dit kan met ons. Ek is môre in die hospitaal vir chemo, en sal dan na my pynlike voet laat kyk. As ek moet raai is kraakbeen geskeur. Die selfoon moet geswartlys word, en dit blyk ‘n groot taak te wees (Telkom Mobile). Ons oudste seun kom ons die naweek vanuit die Paarl besoek en ons sien so baie uit. Ongelukkig kry sy vrou nie die Vrydag verlof nie.

Diefie ·

Sterkte aan julle. Al sê wie wat vir mekaar oor hierdie saak en dit wat in ons mooi Suid Afrika gebeur, kan ons net bid en glo.

MS ·

Ag nee, dis so hartseer! Hoekom moet hulle altyd die onskuldige mense so seer maak? Daar is mos baie skurke daar buite wat hulle mos eerder kan tekkel as hulle regtig so hardop is vir geweld.

Theuns ·

Ai Hermann, ek sou dit nooit kon dink dat jy en Mita aangeval sou word nie. Laat dit goed gaan my vriend! Theuns

Con Dompi ·

So tragies. Kan Morné van Rooyen net weer sê hoe mnr Toerien losgekom het van die kabelbinders om dadelik vir Mita te kon help?

Janie Monsieur ·

Dagsê Con Dompi,

Dankie vir jou kommentaar. Die inligting is by die berig bygevoeg.

Groetnis
Janie nms Maroela Media

Casper Labuschagne ·

Mita se heldedaad en die duurste prys wat sy daarvoor betaal het om die huisgesin te beskerm is vanoggend ook op die Volksblad se voorblad. Ek twyfel dat iemand wat dit gelees het nie ‘n traan in die oog kan hê nie. En Mita se verhaal sê dat daar tog hoop in die land is, dat ten spyte van al die haat daar meer goeie mense is, gelowiges en Christelike mense wat bereid is om hul lewens vir ander op te offer ter wille van wat reg en goed en ordentlik is. Daarom kan, en sal, ek ook nie haat nie en moet jy ook nie. Daar is hoeveel keer meer goeie mense in Suid Afrika as slegte mense. Sterkte aan Mita se naasbestaandes en aan die Toerien gesin.

jakes ·

Mita sal haar beloning in die hemel ontvang. Mag sy in vrede rus. Die skuim wat soos mense lyk sal daarenteen hul beloning in n warm plek ontvang waar nog derduisende van hul tipe vir hulle wag. En daar kan hulle nie vlug of wegkruip nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.