Die polisie het ʼn groot deurbraak in die stryd teen perlemoenstropery gemaak met die inhegtenisneming van tien verdagtes.
Kapt. Khaya Tonjeni, polisiewoordvoerder, het gesê die polisie het toegeslaan danksy ʼn wenk van die publiek.
Lede van die Jeffreysbaai-polisie se eenheid vir veediefstal en bedreigde spesies, met die hulp van ʼn private veiligheidsmaatskappy, het Vrydag kort ná middernag op die groep afgekom waar hulle op die hoofstrand besig was om die perlemoen te stroop.
Perlemoen is ook versteek in die bosse by Pagodastraat gekry.
“Die polisie het vir verdere ondersoek beslag gelê op duikpakke en twee voertuie.”
Die tien verdagtes is tussen 29 en 42 jaar oud en verskyn Maandag in die Humansdorp-landdroshof vir die onwettige besit van perlemoen.
Lt.genl. Liziwe Ntshinga, provinsiale polisiehoof, het die inhegtenisnemings geloof en gesê georganiseerde misdaadsindikate is verantwoordelik vir groot verliese in die land se natuurlike hulpbronne.
Wel gedaan. Dink net hoe lekker sou ons geleef het as hierdie tipe polisiewerk op die hele samelewing van toepassing was.
Jy mees seker soos op die Bushiris.
Hulle sal aanhou en aanhou tot daar niks oor is nie, geld is mos n God