Slag teen stropers in Krugerwildtuin

Swartrenoster (Argieffoto: RonPorter/Pixabay)

Wildbewaarders van Sanparke het nege vermeende stropers in verskillende dele van die Krugerwildtuin oor die afgelope week aangekeer.

Die inhegtenisnemings is gedoen in gebiede wat gereeld gebuk gaan onder renosterstropery.

Drie verdagtes is in die omgewing van die Krokodilbrug aangekeer. Daar is beslag gelê op ʼn swaarkaliber-jaggeweer, koeëls en ander toerusting wat tydens strooptogte gebruik word, het Sanparke gesê.

Wildbewaarders by Letaba het in ʼn afsonderlike voorval nóg drie vermeende stropers aangekeer. Ook húlle was in besit van ʼn jaggeweer, ammunisie en stroperytoerusting.

Bewaarders by Tshokwane het drie ander vermeende stropers, ook met dié items, in hegtenis geneem.

Sanparke het gesê in ʼn onverwante voorval is die karkas van ʼn buffel, wat met gif bestrooi is, in die omgewing van Vlakteplaas gekry. Die buffelkarkas is glo vergiftig nadat die stropers die vleis uitgeslag het.

Die vergiftigde karkas het reeds gelei tot 117 vrektes van witrugaasvoëls, ʼn monnikaasvoël, asook ʼn witkopaasvoël.

Sanparke het die vrektes as katastrofies beskryf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Anoniem

Bêre hulle lank !

Anoniem

Hulle kry hulp van binne af !

Ondervra maar die mense wat in daardie areas werk ?

Waldo

Hemel weet…al wat ‘n ding is wat lewe moet eers doodgemaak en vernietig word

Nugter

Die vergiftiging van die buffel is nie deur ‘n Indier, kleurling of blanke gedoen nie.

Elsa

Gee daardie stropers vir die publiek. Hulle sal weet wat om met hulle te doen