Argieffoto
ʼn 23-jarige man is agter tralies nadat hy ʼn vrou die afgelope naweek in Reitz in die Vrystaat probeer verkrag het, maar sy terugbaklei en ʼn gedeelte van sy tong afgebyt het.
Die verdagte het Maandag vlugtig in die Reitz-landdroshof verskyn ná sy inhegtenisneming, net ʼn paar uur nadat hy die 38-jarige vrou glo aangeval het.
“Die aanvaller was met ʼn mes gewapen en het haar huis in Petsana-Reitz net ná 01:00 betree,” lui ʼn verklaring deur die polisie. “Sy kon tydens die bakleiery die man se tong raakbyt.”
Die aanvaller het haar laat gaan en het na ʼn hospitaal toe gegaan waar hy mediese behandeling ontvang het voor hy in hegtenis geneem is. Hy het nog dieselfde klere aangehad wat die slagoffer beskryf het.
Die man sal Vrydag weer in die hof verskyn.
Baie jammer oor die voorval, maar welgedaan!! Hy sal twee keer dink
Dit is nou letterlik “tong in die kies”