Slegs 5% van klagtes teen polisie vervolg

Lede van die polisie en weermag op patrollie tydens die staat van algehele afsondering. (Foto: SA Weermag/Twitter)

Sedert 2014 is amper 30 000 gevalle van polisiebrutaliteit in Suid-Afrika aangemeld, insluitend verkragting, marteling en sterftes in polisieaanhouding.

Hiervan is slegs 5% (1 500) oortreders dissiplinêr of krimineel vervolg. Dit volgens syfers van die onafhanklike polisieondersoekdirektoraat (Opod) wat die DA Sondag bekendgemaak het. Die ANC het die afgelope week wyd te velde getrek teen beweerde polisiebrutaliteit in Amerika wat gelei het tot die dood van George Floyd.

Volgens syfers wat die DA bekendgemaak het, het Opod in 2018 en 2019 alleen amper 6 000 klagtes van polisiebrutaliteit ontvang. ʼn Totaal van 1 177 was weens sterftes in polisieaanhouding, 1 985 was klagtes wat verband hou met sterftes weens polisie-optrede en 577 klagtes was weens die beweerde verkragting deur ʼn polisiebeampte.

“Polisiebrutaliteit het boonop toegeneem gedurende die afsonderingstydperk en tussen 26 Maart en 17 April vanjaar het Opod 30% meer klagtes as dieselfde tyd verlede jaar ontvang,” sê Andrew Whitfield, die DA se skaduminister van polisie.

Luidens Opod se syfers is slegs 27% van gevalle wat sedert 2014 aangemeld is, na die nasionale vervolgingsgesag verwys vir aanbeveling en ʼn kwart van sake (25,8%) is as voorstelle vir dissiplinêre optrede na die polisie verwys.

In slegs 3,9% van gevalle is oortreders wel dissiplinêr vervolg en in net 1,3% van gevalle is oortreders krimineel vervolg.

“Die ANC se gewelddadige rekord van mishandeling deur polisie en die lae koers van vervolging is ʼn nasionale skande wat die ANC se skynheiligheid ten toon stel,” sê Whitfield.

Hy sê die DA vra lank reeds dat die polisie gedemilitariseer word en dat die hoof van Opod onafhanklik van die polisie funksioneer.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Willem

Wat verwag hulle? Hoe kan een polisieman ń ander vervolg

Pieter

Maak vir wolf skaap wagter wat n grap

Willem

Welkom in Suid Afrika

Frans

Ja black lives matters but not for black people. Kyk na die hongersnood en burger oorloe (korrupsie en staatkapimgs noem ek nie eers nie)in afrika(swart regerings) wat al die lewens van miljoene swart mense geeis het. Nog geen betogings of vernietiging van ander se eiendom het al ooit daaroor plaas gevind nie. Nee wat hierdie is maar net weer n bevestiging van die wereld orde en hoe hulle alles manupileer.

Magda

MMMMMMM CELE – WONDER OOR JOU BEVOEGDHEID AS MINISTER VAN POLISIE!!!!!!! SHAME ON YOU