Sluier gelig oor pad vorentoe vir grondonteiening

land-landbou-grond-deur-carlo-verso-unsplash

Foto: Carlo Verso/Unsplash.com

Die parlementêre ad hoc-komitee oor die verandering van die Grondwet om onteiening sonder vergoeding moontlik te maak, het die sluier gelig oor hoe hulle hul taak vorentoe sien.

Die voorsitter van die komitee, oudminister en nou senior ANC-LP, Thoko Didiza, het die media toegespreek oor die pad vorentoe, en dit is duidelik dat die komitee hom langsaam gaan haas, en nie maklik sy spertyd van einde Maart vir die formulering van ’n voorgestelde verandering in die Grondwet gaan haal nie.

Didiza het aangedui dat die ad hoc-komitee eers regsekerheid wil kry oor sekere aspekte, en dan kennersmenings wil inwin voordat hulle die kern van die proses takel.

Dit gaan in die praktyk beteken dat die werk oor ’n wysiging in die Grondwet eers ná die verkiesing voltooi sal wees, wat beteken die nuwe magsbalans ná die verkiesing sal vir die lot daarvan bepalend wees.

Die huidige samestelling van die parlement maak dit wiskundig onmoontlik vir ʼn grondwetwysiging om te slaag as die groepering wat teen die wysiging gekant is (die DA, IVP, VF Plus, Cope en ACDP) bly saamstaan, en tensy die ANC en die EFF dieselfde grondwetwysiging ondersteun. Tans ondersteun die ANC en die EFF mekaar nie in daardie verband nie.

Ná die verkiesing kom ’n nuut saamgestelde parlement egter byeen.

Didiza het aangedui dat haar komitee se werk gaan begin met regsadvies deur die parlementêre regsadviseurs, veral oor die impak van die hofsaak tussen AfriForum en die parlement – wat verlede jaar baie goed vir AfriForum afgeloop het in die Kaapse hooggeregshof – op die proses.

Daarna sal die menings van bekendes soos advv. Temebeka Ngcukaitobi en Wim Trengove ingeroep word, asook die voormalige regter van die konstitusionele hof, regter Albie Sachs, die voormalige adjunk-hoofregter Dikgang Moseneke, die adjunk‑regterpresident van KwaZulu-Natal regter Isaac Madondo, en die grondsakekenner prof. Ruth Hall van die Universiteit van Wes-Kaapland.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

50 Kommentare

jongste oudste gewildste
Deon

Dit beteken net probleme….

Felix

Jan-Jan, Cyril Ramaphosa het dan so ‘n paar dae gelede gesê die episentrum van die landbourevolusie lê in Suid-Afrika se landelike gebiede. Nou sal ek graag by hom wil hoor, as dit in die land gaan soos dit gaan met als wat afgebreek is, dienslewering wat vodde is en Eskom wat nie werk nie, hoe beplan hulle om krag by daardie mense uit te kry, of gaan hulle net bestaansboere wees?

Wat nou, of raai almal maar soos die wind waai daar waar hulle is?

Jepetto

Sirrell nou het jy vir jou self a lat geplik julle het dan belowe voor die verkiesing gaan julle dit deuir drik

ne

Lekkker bang vir Afriforum!!! Maak eers julle sommetjies mooi voor julle beloftes maak.

Hendrik

As die magsbalans na die verkiessing die grondhervormingsbeleid gaan bepaal, beteken dit net een ding – die ANC saal ‘n koalisie met die EEF moet aangaan om ‘n meerderheid stemme te hê. Vir die EFF om daartoe in te stem, sal hulle ‘n baie radikale grondhervormingsbeleid (staat vat en besit all grond) soek.