Smith is KSA se direkteur van krieket

Graeme Smith. Foto: Twitter.

As kolwer was Graeme Smith nou nie so elegant soos ’n Damien Martyn of ’n Herschelle Gibbs nie, maar hy het lopies geslaan.

En dit is presies wat Krieket Suid-Afrika nou nodig het: Nie ’n jabroer wat na almal se pype dans nie, maar iemand wat dinge gedoen kry en nie bang is om in die proses op ’n paar tone te trap nie.

Volgens mediaberigte het die 38-jarige voormalige Protea-kaptein die rol aanvaar om KSA se eerste direkteur van krieket te wees, maar dit sal egter net in ’n tydelike hoedanigheid wees omdat hy homself reeds tot kommentatorwerk in volgende jaar se Indiese Premierliga verbind het.

Smith sou reeds op 1 Oktober in die posisie begin werk het, maar die aanstellingsproses het gesloer en hy het sy aansoek onttrek.

Tydens Saterdag se KSA-mediakonferensie het die beheerliggaam se president, Chris Nenzani, gesê dat die oudkaptein oor ’n paar dinge ontevrede was, onder meer ’n bekommernis oor politieke inmenging.

Volgens Nenzani het Smith ook nie die geskorste uitvoerende hoof van KSA, Thabang Moroe, vertrou nie.

Eerste op Smith se prioriteitslys sal die toetsreeks teen Engeland wees wat op 26 Desember op SuperSportpark begin.

Enoch Nkwe, wat die Proteas na Indië vergesel het, sal vermoedelik steeds die span afrig. Die moontlikheid bestaan egter dat Gary Kirsten ’n mentorskaprol sal vervul.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
André André

Baie geluk, mag jy ‘n wonderlike termy in jou pos beleef.

toy

Ek is baie bly vir Graham. Ons krieket het so iemand nodig.

Dafer

Veels geluk Graeme. Sterkte en voorspoed!
Speel oop kaarte met ons, die kyker, asseblief.
Ken die reg toe aan die speler om die fluitjie te blaas as dinge weer sou verkeerd loop, asseblief.
Terloops, ek was nog altyd van opinie dat Gibbs ons beste speler ooit was.
:-) Wou dit nog altyd stel!

JohanR

Wel hy weet darem te minste ietsie van krieket af…..

Chris

Ugh ek wonder maar die Proteas het ook maar nie wonderlik gevaar toe jy kaptein was nie wat laat hulle dink dit sal nou beter gaan . Eket net sy kliek wat gekis gaan eord. Pollock, Boucher, Klusner en andere mag dalk n beter keuse gewees het . Maar nou ja is nie wat jy weet nie maar is seker wie jy ken