Sneeu oor groot dele van SA

Die foto is in die Hexrivier-vallei in die Wes-Kaap geneem. Foto: @ElmarieThorpe op Twitter.

Die foto is in die Hexrivier-vallei in die Wes-Kaap geneem. Foto: @ElmarieThorpe op Twitter.

Die Suid-Afrikaanse Weerdiens sê sneeu het Vrydag in talle dele van die land voorgekom.

“Dit het gister in dele van die Wes-Kaap, Oos-Kaap, suidelike dele van Lesotho, sowel as die Drakensberg in KwaZulu-Natal begin sneeu,” het Bransby Bulo, ʼn weervoorspeller, Vrydag gesê.

Volgens Bulo kan daar ook Vrydag sneeu verwag word in die suidelike dele van die Vrystaat, Lesotho en die hoërliggende gebiede in KwaZulu-Natal.

Hy sê die moontlikheid van sneeuval sal oor die naweek begin afneem, behalwe in KwaZulu-Natal en die Oos-Kaap waar daar nog sneeu voorspel word vir Saterdagoggend.

Volgens Bulo sal temperature ook van Saterdag af weer begin styg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.