Só gaan ondersoek na onteiening werk

huis eiendom

Argieffoto.

Suid-Afrikaners in al nege provinsies van die land gaan deur die parlement se grondwetlike hersieningskomitee versoek word om insette te lewer oor of art. 25 van die Grondwet (die eiendomsklousule) ʼn struikelblok vir grondhervorming is, en of onteiening sonder vergoeding nodig is in Suid-Afrika.

Die komitee, onder voorsitterskap van Vincent Smith, ANC-LP van Eldorado Park, sal sy werk begin deur aan die begin van aanstaande maand advertensies in die media te publiseer wat die publiek tot aan die begin van Mei gee om geskrewe voorleggings aan die komitee te rig.

In Mei sal die komitee homself in twee verdeel, met een groep wat die vyf binnelandse provinsies sal besoek en die ander groep die vier kusprovinsies. Die voorstel is dat die komiteelede drie dae in elke provinsie gaan deurbring om voorleggings aan te hoor, en sal probeer om dit grootliks oor naweke te doen sodat mense wat insette wil lewer nie van die werk af sal hoef weg te bly om dit te doen nie.

In ʼn belangrike verwikkeling het Smith aangedui dat die groot vraag waarop die komiteelede ʼn antwoord sal moet kry, as volg lui: Is art. 25 ʼn struikelblok om die doelwitte van grondhervorming te bereik, en watter meganismes sal Suid-Afrikaners wil insluit om die ideale van grondhervorming te bereik?

Die komitee sal volgende Woensdag besluit presies watter dorpe en stede in elke provinsie besoek gaan word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Han

Hulle sal insette ontvang en nog steeds maak soos hulle wil!

Peet Schabort

Wonderlik!! Dis mos demokrasie!!
Definisie van ‘demokrasie’ is om die minderheid ook ‘n kans te gun om deel te neem aan hulle eie ondergang.

Reguit

Nee wag, kom ons stel dit korrek. Die groot vraag waarop hulle die antwoord reeds van weet is: Is Artikel 25 ‘n struikelblok om die doelwitte van grond roof, diefstal en plundering te bereik, en watter meganismes sal naïewe Suid-Afrikaners wil insluit om die ideale van grond roof, diefstal en plundering te bereik? So, jy word basies uitgenooi om jou eie graf te grawe. Daarom emigreer mense.

Hanna

Ag, spaar maar julle geld en moeite (eintlik belastingbetalers se geld) met julle kamma kommitee! Ons weet presies WIE ondervra gaan word en dat die besluit REEDS geneem is om eiendom sonder vergoeding te onteien. Julle mors almal se tyd! Natuurlik gaan die meerderheid v die bevolking (sonder om IK in ag te neem) dink dat dit n “blink plan” is. Duh!

WitBlits

Laat die rookskerms begin!!
Kul jou hier kul jou daar en siedaar aan die einde kan hulle bevestig dat daar wel publieke deelname was om die ANCEFF alliansie se mandaat deur te voer!