Argieffoto (Foto: Johannes Plenio/Pixabay)
Eskom het Vrydagmiddag aangekondig dat fase 2-beurtkrag vanaf Saterdagoggend om 07:00 ingestel sal word.
“Weens ʼn afname in die verbruik oor die naweek en verbeterde kragopwekkingskapasiteit, word fase 3-beurtkrag Vrydag tot 23:00 toegepas. Fase 2-beurtkrag word op 14 Maart 2020 om 07:00 ingestel.”
Die kragvoorsiener het gesê Koeberg eenheid 1 sal Saterdagoggend op die kragnetwerk verbind word. Dit is ʼn dag vroeër as oorspronklik verwag.
Die fase beurtkrag kan op kort kennisgewing verander indien Eskom egter enige kragopwekkingskapasiteit verloor.
