Geen beurtkrag word Maandag verwag nie hoewel die vraag na elektrisiteit later vandeesweek mag toeneem, meen Eskom.
Die kragvoorsiener het vanoggend in ’n verklaring gesê bykomende kapasiteit oor die naweek het hom in staat gestel om sy noodreserwes aan te vul. Dié reserwes sal dus op kort kennisgewing ingespan kan word indien nodig.
Luidens die verklaring het onbeplande onderbrekings Maandag omstreeks 07:30 op 11 712 MW gestaan. “Ons span werk hard daaraan om dié onderbrekings te verminder na minder as 9 500 MW om sodoende beskikbare kapasiteit te vermeerder en die risiko van beurtkrag te verminder.”
Dít volg nadat die kragvoorsiener Sondag sy eerste vergadering onder die leierskap van prof. Malegapuru William Makgoba, tussentydse voorsitter van Eskom, gehad het.
Luidens ’n verklaring bly Eskom daartoe verbind om sake by die sukkelende kragvoorsiener om te draai.
“Die raad sien uit daarna om voort te gaan met die uitdagende taak om Eskom tot volhoubaarheid te herstel onder die tussentydse leierskap van Makgoba en met die voortgesette ondersteuning van ons aandeelhouers.”
Makgoba neem waar ná die onlangse bedanking van Jabu Mabuza.
Mabuza het vroeër vandeesmaand onverwags sy bedanking ingedien nadat hy gesê het hy kon nie daarin slaag om sy verbintenis tot pres. Cyril Ramaphosa en Suid-Afrikaners na te kom nie, naamlik dat die land nié tussen 11 Desember en 13 Januarie beurtkrag sou ondervind nie.
Beurtkrag was maandagoggend reeds weer ingestel vanaf 03h30 tot 05h15!
Sterke prof jy het n moeilike taak wat voorlê.
Ons het Saterdag oggend ook nie krag gehad nie.
Wat is die verskil as daar nie beurtkrag is nie dat get n substasie ontplof of aan die brand geraak die verskonings hou nooit op verkoop eskom aan n privaat instansie met bekwame mense wat die plek kan regruk soos toe dit nog Evkom was
Sleg, slegter, slegste.
Ons word afgepers sodat Verhogings goedgekeur moet word.
Ek wens dit was finansieel moontlik vir meer mense om “off grid” te gaan maar die solar companies wil munt slaan uit ons verknorsing, vinnig en baie geld maak. Dus is ons maar geskroef.