Altesame 116 nuwe Covid-19-gevalle is in Suid-Afrika aangemeld.
Volgens die Nasionale Instituut vir Oordraagbare Siektes (Nios) is altesame 2 924 072 bevestigde Covid-19-gevalle al in die land aangemeld en is die jongste positiwiteitskoers 0,7%.
Die meeste nuwe gevalle is in Gauteng (33%) aangemeld, gevolg deur KwaZulu-Natal (20%) en die Wes-Kaap (13%). Die algehele aktiewe gevalle is 16 484.
Die sterftesyfer weens Covid-19 staan nou op 89 352 nadat nog 20 sterftes aangemeld is. Tot dusver het 2 818 236 mense reeds van die virus herstel, ʼn herstelkoers van 96,4%.
Suid-Afrika het tot dusver 18 740 830 toetse vir Covid-19 gedoen, 16 517 sedert die vorige verslag.
Volgens Nios was daar in die afgelope 24 uur 16 hospitaalopnames. Daar is tans altesame 3 740 mense wat in hospitale vir Covid-19 behandel word.
Meer as 23,2 miljoen inentings is tot dusver gedoen.
Provinsiale statistieke:
Provinsie | Nuwe gevalle | Aktiewe gevalle |
Oos-Kaap | 8 | 206 |
Vrystaat | 7 | 3 000 |
Gauteng | 38 | 405 |
KwaZulu-Natal | 23 | 3 314 |
Limpopo | 2 | 1 084 |
Mpumalanga | 9 | 206 |
Noordwes | 7 | 858 |
Noord-Kaap | 7 | 1 576 |
Wes-Kaap | 15 | 5 835 |
Totaal | 116 | 16 484 |
Sterftes en gevalle wat herstel het:
Provinsie | Sterftes | Herstel |
Oos-Kaap | 15 159 | 277 134 |
Vrystaat | 7 028 | 153 692 |
Gauteng | 19 621 | 900 080 |
KwaZulu-Natal | 14 772 | 497 882 |
Limpopo | 4 074 | 117 139 |
Mpumalanga | 2 006 | 149 937 |
Noordwes | 4 209 | 145 688 |
Noord-Kaap | 2 317 | 88 728 |
Wes-Kaap | 20 166 | 487 956 |
Totaal | 89 352 | 2 818 236 |
Lekker boys
Inentings neem definetief toe. Stadig maar seker. Sien sekere lande se regerings gaan nie meer mediese koste subsidieer vir mense wat nie ingeent is wat ernstig siek word of hospitaal toe gaan agv CV19 nie. Hier in SA het Discovery ‘n report vrygestel van 1.2 m van sy mediese fonds lede waar nie een persoon wat ten volle ingeent is gesterf het agv CV19 nie. Teen gemiddelde sterfte koers van 3% onder oningeentes sou daar 36000 addisionele sterftes gewees het. Die verslag praat ook oor die 0.0003% kans om enige nagevolge te hê van die inenting. Die verslag is onlangs uitgereik.
Kry vir jou ‘n ander stokperdjie
Moeilik as feite fabels weerlê…..
Ai tog daar gaan jy alweer.
Lees antwoord bo.
Duidelik hou baie mense nie van die waarheid nie
Plaastelefoon gaan stil raak Koos. Uiteindelik is dit net geraas. Soos wat tyd verloop word meer en meer feite duidelik wat die suspisie weerlê.
97% kans op oorlewing sonder entstof? Meer as goed genoeg vir my.
Tot jou vrou of jou kind een van die 3 % word .
Enorme bedrae is uitbetaal aan sterftedekking agv Covid, verhoogde premies gaan en kan deur sommige versekeringsmaatskappye gehef word op nuwe aansoeke in die toekoms indien daar nie bewys van inenting gelewer kan word nie, risiko is dus groter, soos bv n roker betaal hoer tarief, let wel dit sal en mag nie n verpligte voorwaarde wees nie.