(Argieffoto: Luca Sola/AFP)
Altesame 1 682 nuwe Covid-19-gevalle is in Suid-Afrika aangemeld.
Volgens die Nasionale Instituut vir Oordraagbare Siektes (Nios) is ʼn totaal van 3 700 484 bevestigde Covid-19-gevalle al in die land aangemeld en is die jongste positiwiteitskoers 5,8%.
Die meeste nuwe gevalle is in Gauteng (34%) aangemeld, gevolg deur die Wes-Kaap (29%) en KwaZulu-Natal (19%). Die totale aktiewe gevalle is 15 052.
Die sterftesyfer weens Covid-19 staan nou op 99 829 nadat nog 62 sterftes aangemeld is waarvan drie sterftes in die afgelope 24 tot 48 uur plaasgevind het. Die departement van gesondheid het gesê weens ʼn voortgesette oudit wat aan die gang is, kan daar ʼn agterstand wees in die aantal sterftes wat aangemeld is.
Tot dusver het 3 585 603 mense reeds van die virus herstel, ʼn herstelkoers van 96,9%.
Suid-Afrika het tot dusver 23 514 233 toetse vir Covid-19 gedoen, 29 181 sedert die vorige verslag.
Volgens Nios was daar in die afgelope 24 uur 41 hospitaalopnames. Daar is tans altesaam 2 060 mense wat in hospitale vir Covid-19 behandel word.
Meer as 32,9 miljoen inentings is tot dusver gedoen.
Provinsiale statistieke:
| Provinsie | Nuwe gevalle | Aktiewe gevalle |
| Oos-Kaap | 55 | 527 |
| Vrystaat | 45 | 1 307 |
| Gauteng | 571 | 5 135 |
| KwaZulu-Natal | 324 | 2 960 |
| Limpopo | 31 | 208 |
| Mpumalanga | 82 | 582 |
| Noordwes | 57 | 903 |
| Noord-Kaap | 27 | 2 645 |
| Wes-Kaap | 490 | 785 |
| Totaal | 1 682 | 15 052 |
Sterftes en persone wat herstel het:
| Provinsie | Sterftes | Herstel |
| Oos-Kaap | 16 558 | 327 310 |
| Vrystaat | 7 623 | 192 881 |
| Gauteng | 20 608 | 1 176 618 |
| KwaZulu-Natal | 16 030 | 637 733 |
| Limpopo | 4 574 | 150 649 |
| Mpumalanga | 4 705 | 187 359 |
| Noordwes | 4 711 | 186 671 |
| Noord-Kaap | 3 214 | 102 853 |
| Wes-Kaap | 21 806 | 623 529 |
| Totaal | 99 829 | 3 585 603 |
Hoe lank neem dit dan om die “oudit” klaar te maak. Dis n klug. Die sogenaamde oudit is bloot daar om die stats te beiinvloed sodat die noodtoestand geregverdig lyk.
Ek neem aan die staatshospitale vul nie die vormpies betyds in nie, so die oudit sal vir ewig en altyd aanhou.
Met die oudit word alle ander sterftes deurgegaan en word dit verander na Covid sterftes om sodoende die covid sterftes hoër te kry om sodoende die vrees in die land hoog te hou.