Die positiwiteitskoers vir nuwe Covid-19-gevalle in Suid-Afrika het teen Dinsdagaand op 17,6% gestaan. Dit is laer as die positiwiteitskoers wat Maandag (21%) en Sondag (22%) aangeteken is.
Luidens die Nasionale Instituut vir Oordraagbare Siektes (Nios) is 3 785 nuwe virusgevalle sedert die vorige verslag aangemeld, terwyl 21 518 toetse gedoen is.
Altesame 40 186 mense het tans Covid-19 onder lede. Dit bring die algehele gevalle op 3 802 198 te staan, waarvan 96% mense in die land reeds herstel het.
Die departement van gesondheid het sewe nuwe Covid-19-verwante sterftes aangemeld, waarvan twee in die afgelope 24 tot 48 uur plaasgevind het. Die algehele sterftesyfer staan nou op 100 377.
Die meeste nuwe gevalle is Dinsdag in Gauteng (45%) aangemeld, gevolg deur KwaZulu-Natal (28%), die Wes-Kaap (12%), Vrystaat (5%), Oos-Kaap (4%), Mpumalanga en Noordwes (2% elk), Limpopo en die Noord-Kaap (1% elk).
Provinsie | Getal nuwe gevalle op 3 Mei aangemeld |
Oos-Kaap | 156 |
Vrystaat | 187 |
Gauteng | 1 685 |
KwaZulu-Natal | 1 056 |
Limpopo | 40 |
Mpumalanga | 74 |
Noordwes | 62 |
Noord-Kaap | 52 |
Wes-Kaap | 473 |
Totaal | 3 785 |
Minstens 2 232 mense word tans met die virus in die hospitaal behandel nadat nog 68 mense sedert die vorige verslag opgeneem is.
Volgens die departement is altesame 50 591 dosisse van die entstof sedert die vorige verslag toegedien, terwyl 34 941 461 dosisse sedert die aanvang van die land se inentingsprogram toegedien is.
Herstelkoets v 96%!
Dis beter as dit. as daar elke dag om en by 4000 aangemeld word, en net een of twee sterftes, dan is die huidige herstelkoers 99.8% of meer. Ek weet herstelkoers is ‘n paar weke agter nuwe gevalle, maar dis altyd omtrent 4000 gevalle.
Draai die syfer om; 1 uit elke 25 mense wat Covid kry herstel nie/gaan dood. Wil jy daardie een wees of dat een van jou geliefdes daardie een is?
Deesdae verkies mense om aan iets anders dood te gaan. Soos honger.. Solank hul nie covid kry nie.
Goed gesê. Meeste hier dink nie so ver nie.