Só lyk ooreenkoms tussen SAL, vakbonde

(Argieffoto: Henk Kruger/ANA)

Die Suid-Afrikaanse Lugdiens (SAL), wat Vrydag ʼn ooreenkoms met stakende vakbonde oor ʼn loonverhoging aangegaan het, sê hy is trots daarop dat werkers bereid was om onder moeilike omstandighede sekere opofferings te maak.

“Ons land het ʼn gesamentlike poging nodig om produktiewe arbeidsverhoudinge te skep en te handhaaf wat die sleutel tot ekonomiese groei en uitbreiding is, en wat werk kan skep en die land se internasionale mededingendheid kan bevorder,” het Zuks Ramasia, waarnemende uitvoerende hoof van die SAL, in ʼn verklaring gesê.

“Dié ooreenkoms met die vakbonde gaan ʼn atmosfeer van positiwiteit, inklusiwiteit en volhoubare groei help bevorder.”

Werkers van die SAL en sy tegniese afdeling, SAAT, staak sedert verlede Vrydag – optrede wat die staatslugdiens nagenoeg R50 miljoen per dag gekos het.

Van die kernpunte in die ooreenkoms sluit in:

  • ʼn Styging van 5,9%, terugwerkend na 1 April vanjaar. Die verhoging tree in Februarie volgende jaar in werking en is onderhewig aan die beskikbaarheid van finansiering.
  • Die terugbetaling vir die eerste ses maande (April tot September 2019) word in Maart volgende jaar betaal.
  • Die oorblywende vier maande se terugbetaling word in April betaal.
  • Bogenoemde betalings is onderhewig aan die verkryging van geld vir dié doeleindes.
  • ʼn Taakspan sal gestig word om kostebesparingsinisiatiewe te identifiseer en te oorweeg. Dit sluit in inkontraktering en kontrakte.
  • Die staking word onmiddellik afgelas.

Die National Transport Movement (NTM) het nié aan die staking deelgeneem nie en het ook ʼn loonverhoging van 5,9% aanvaar.

“Die ooreenkoms, veral die feit dat ons ʼn salarisverhoging van 5,9% aangebied het te midde van groot finansiële probleme, is ʼn erkenning van die belangrike bydrae wat werkers lewer tot die sukses van die maatskappy, tot ekonomiese ontwikkeling en toerisme,” het Ramasia gesê.

Sy het gesê die sakeomgewing was die afgelope jaar ʼn groot uitdaging vir die meeste ondernemings, ook die SAL. “Wêreldwye ekonomiese groei bly grootliks laag. Die uitwerking word in die meeste markte gevoel waar groei vloeibaar is. As Suid-Afrika se voorste lugredery sien ons uit na die inwerkingstelling van dié opbouende ooreenkoms wat die SAL help om sy mededingendheid te verbeter, terwyl werksgeleenthede behou en beskerm word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

34 Kommentare

Halveer ·

Ek het noual gesien, moenie kommissies inkry nie, dit vat nog geld weg, halveer net top bestuur se salrisse, dan sal al die probleme opgelos wees.

André-Chris ·

Mooi toespraak, my hart is nou sommer rooier as rooi (Hi-Def) en dat mens vooruit die geld kan belowe wat nie daar is nie. So ‘n geloof in die toekoms is dalk net wat ons nodig het. As dit met die SAL kan gebeur, kan dit met die ANC se bestuur van die land se ekonomie gebeur, ons moet net vasbyt to een of ander tyd komende jaar….

stem ·

en april 2020 staak hulle weer vir nog geld want dis mos nou ‘n nuwe jaar

Fluister ·

Help my besigheid het n reddings boei nodig. SEB het my werk gevat, 300 mense gaan nou hul werk verloor. Help.

Strandloper ·

Dalk moet hul n vloot bicycles aan skaf dit mag beter werk

André-Chris ·

Dink ek nou aan die woorde van hierdie liedjie toe ek die vliegtuig hier voor op die prentjie sien:

He was old as he walked slowly through the park
To the bench where he would sleep on after dark
He saw a bird high in a tree
He said listen carefully
So your life would not end in misery
Don’t fly to high my little bird
‘cause if you try you may get hurt
You will burn your wings
When you reach for the sun
Don’t fly to high my little bird
Your lonley cry it won’t be heard
You’ll be tumbling down to the ground
‘cause proud will have a fall…

Hendrik ·

Solank die geld nie van die belastingbetalers gevat word nie

Matt ·

Waar op dees aarde dink jy gaan die geld vandaan kom? Dit is net die belastingbetaler wat daarvoor moet uit haal en wys.

Bert ·

Waar anders gaan hulle dit kry Hendrik?
Dit wys maar net weer dat stakende werkers altyd hul sin kry self by bankrot instellings.
Ek en my familie vlieg definitief nooit weer saa nie!

Arno ·

Offcourse gaan die belasting betaler daarvoor betaal. Met rommelstatus wat ons weereens in die sig staar is dit tyd om op te hou belasting betaal. Daar is n lieflike wet wat niemand van weet nie maar jy mag jou belasting weerhou. Die wet bepaal streng dat as daar bewyse is van staats kaping, wan besteding, vertroue breuk tussen staat en betalers ens kan belasting terug gehou word. Die laaste 25jaar van korrupsie ens is genoeg gronde hiervoor. Daar is rekord van alles so baie maklik om in die Hof te gaan voorle…… se maar net

KOOS ·

Ag Asseblief……………..onderhewig aan die beskikbaarheid van finansiering………Hulle gaan dit kry, Want Ons gaan dit betaal.

Tobie Klarens ·

S & P het al reeds vir SA tot rommel verklaar. Fitch ook. Dit is Moodys wat wag tot 1 Februarie

André-Chris ·

S&P se Suid-Afrika se kredietgradering kom weer vanaand onder die loep, hou die nuus dop.

GM ·

Ek wou gesê het: “Gee vir dié wat nie gestaak het nie, ‘n groter verhoging”, maar dan gaan die res wéér staak oor die “onregverdigheid”.

Bert ·

Die ‘deal’ sè niks oor die 944 wat moet waai nie.
Behoord nou makliker te wees om te bepaal wie moet gaan!!

Johann cb ·

Ek neem aan daar gaan binnekort nóg ‘n reddingsboei aangebied word, soos deur die belastingpligtige gefinansier! Wat ‘n mors van geld!

Petrus ·

Jip, nóg ‘n reddingboei, so eenvoudig soos dit, want die ou lot is bankrot!

JohanR ·

Nee man! Daar lag ek al weer soe baie, ek val van my stoel af.

Bert ·

Ek hoop jy het lekker gelag Johan.
Want hulle lag baie lekkerder van jou belastinggeld!

Stuiwer ·

Dit help nie jy probeer werke beskerm deur verhogings te betaal en die maatskappy ly daaronder nie. Op die langtermyn gaan dit niemand baat nie. Hoe kan jy ‘n maatskappy so bestuur. Die vakbonde/werkers dikteer vir die maatskappy wat om te doen. Het hierdie ouens in Amerika gewerk, was hulle nou al afgedank. Vakbonde doen niks vir die ekonomiese groei van hierdie land nie.

Santie ·

Verpestelike vakbonde moet verbied word. Hulle is niks anders as staatskapers nie.

Hans ·

Die vakbonde het teveel mag-sal liewers n skip heeltemal sink i p v om realisties te wees-almal in die land kry swaar en in die besonder pensioenarisse wat maar tevrede moet wees wat hulle kry.

André-Chris ·

Nou maar kom ons pensionarisse stig ‘n vakbond en vorm ‘n alliansie met die ANC. Dit kan nogal vet pret wees, dalk wurg die vakbond groei uit ons beleggings en pensioene wat meer as dubbel die koers van inflasie is.

Feite ·

Hier kom net nog groter moeilikheid. Dit wat gese word gedoen moet word voor onderhandelinge gebeur nie tydens en na onderhandelinge nie. Die SAL en Eskom hou doodeenvoudig aan om die staatskaping status quo te handhaaf deur geen werkers wat onregmatig en botallig aangestel was te ontslaan nie!

Alida ·

Wonder of enigiemand ooit weer SAL sal vlieg. Vetrou hulle gladnie.

Derek ·

Die aansoek deur Solidariteit om SAA in sakeredding te plaas is al oplossing op die lang termyn – die huidige bestuur KAN hierdie probleem nie oplos nie en die ANC kaders WIL dit nie oplos nie want hulle is bloot net te dom om dit te kan doen.

Jack Sadie ·

Dis vir my so komies hoe woordryk en verbaal vaardig die kaders is. Kry hulle spesiale opleiding in twak praat? Of is dit maar net deel van die kompensasie vir hul onvermoë om die realiteit van die ekonomie te verstaan?

André-Chris ·

Hulle leer daardie vaardighede van jongs af waar hulle die grootmense by byeenkomste dophou. Ek sien juis die vakbonde spog hulle het in effek 8% verhoging vir die werkers gekry, dit nou terwyl alle berigte in die media dit het soos die berig hier bo.

Lolla ·

Dis om met ‘n bank te onderhandel as jy werkloos het om jou huis of motor teen ‘n verminderde paaiment te betaal, maar jy weet jy kan dit nie doen nie……………………….

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.