Soektog na vermiste 9-jarige eindig tragies

Previledge Mabvongwe. Foto: Verskaf

Die soektog na ʼn negejarige meisie van Kraaifontein in Kaapstad, wat sedert Maandag vermis was, het tot ʼn tragiese einde gekom.

Sers. Noloyiso Rwexana, provinsiale polisiewoordvoerder van die Wes-Kaap, het gesê die liggaam, vermoedelik dié van Previledge Mabvongwe, is Donderdag om 08:40 op ʼn stortingsterrein in Sam Jokozela, Bloekombos, aangetref.

“Die meisie was steeds in haar skoolklere toe haar liggaam gevind is,” het Rwexana gesê.

Previledge is Maandag omstreeks 16:00 die laaste keer lewend gesien toe sy deur ʼn minibustaxi naby haar huis in Kraaifontein afgelaai is. ʼn Soektog na haar is van stapel gestuur nadat sy nie soos gewoonlik by die huis aangekom het nie.

Die oorsaak van haar dood is nie bekend nie en sal deur ʼn nadoodse ondersoek vasgestel word.

Die polisie ondersoek ʼn saak van ontvoering en moord en het Donderdag die stortingsterrein vir enige leidrade gefynkam.

Enigiemand met inligting wat die polisie in hul ondersoek kan bystaan, word versoek om kapt. Loganathan Chetty by 082 522 1039 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
CK

Dit is tragies. Sterkte aan die gesin en familie. Geen ouer moet hierdie deurstaan nie.

IK

Kom ek gee julle ‘n brief dat ook verkragting deel is hiervan. Hierdie is nou ‘n alledaagse verskynsel of hoe, Lindiwe?

$

Vrouemaand (???? wat beteken dit???) ???

Theresa B

Dit is baie hartseer. So tragies. Wil nie eers dink waardeer is die klein lyfie nie. Hoe wreed is hierdie grootmens-wêreld net nie.

Diefie

Ek is saam hartseer met die familie.