Soektog na vermiste Stutterheim-baba eindig tragies

Abukhanyisile Sitebisa. Foto: Verskaf

Abukhanyisile Sitebisa. Foto: Verskaf

Die eenjarige seuntjie, wat verdwyn het nadat sy ouma hom glo alleen in die veld naby Stutterheim in die Oos-Kaap gelos het, is dood gevind.

Maroela Media het vroeër berig Abukhanyisile Sitebisa is verlede Sondag omstreeks 08:00 alleen gelaat naby ʼn rivier in die Mbulelo-township. Sy 42-jarige ouma, Xoliswa Sitebisa, het hom na bewering daar gelos omdat sy ma nie na hom omgesien het nie.

Die voorval is op 28 Junie by die polisie aangemeld en Sitebisa is in hegtenis geneem op aanklag van kinderverwaarlosing. Die gemeenskap en polisie het sedertdien tevergeefs in die omgewing na hom gesoek.

Volgens kapt. Siphokazi Mawsa, polisiewoordvoerder, is Abukanyisile se liggaam Dinsdag omstreeks 16:00 deur gemeenskapslede gevind.

“Sy liggaam is in die rivier tussen Stutterheim en die informele nedersetting gevind. Die oorsaak van sy dood is nog nie bekend nie en sal deur ʼn nadoodse ondersoek bepaal word,” het Mawsa gesê.

Sitebisa word nou van moord aangekla. Sy het reeds op 30 Junie in die Stutterheim-landdroshof verskyn, waarna die saak tot 19 Julie uitgestel is. Sy bly in aanhouding.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Pops

Mag die arme kleinding in vrede rus. Hopelik is hy gelukkiger daar waar hy nou is, as wat hy ooit saam met sy familie sou wees. Jammerte niemand kon ordentlik na jou kyk nie kleinman.

monique

My Hart is stukkend as n mamma. Rus saggies kleine lyfie. Ons weet darem nou jy is veilig Bo by ons skepper mag sy ouma die straf kry wat sy verdien

christine

Ja nee kleinman hoop hulle hang daai ouma van jou aan haar tone op

Poot

SKOKKEND EN VERAGTEND!!!!!!!

Merrilynn

As ‘n ma is my hart stukkend dat ‘n persoon so harteloos teenoor ‘n baba kan wees. Hy het nie gevra om hier te wees nie! RIV klein mensie, jou familie het jou nie verdien nie