Argieffoto: Kent Williamson
Die polisie in die Vrystaat het ʼn soektog van stapel gestuur ná die liggaam van ʼn vrou, in haar 30’s, naby ʼn laerskool in Welkom gevind is.
Kapt. Stephen Thakeng, woordvoerder van die polisie, het gesê ʼn man het Maandagoggend omstreeks 08:30 met sy bakkie gery om mis by die beeskraal by St Helena agter St Andrews-skool op te laai. Hy het op die vrou se liggaam afgekom en die polisie ontbied.
“Beamptes het die vrou se liggaam tussen twee bome aangetref. Dit wil voorkom of sy elders vermoor en haar liggaam daar gestort is,” het Thakeng bygevoeg. Sy het kneusplekke aan haar bors, nek en linkerbobeen opgedoen, het ʼn snywond aan haar kop gehad, en haar linkergewrig is gekraak. Die vrou het ʼn geel Kaizer Chiefs- T-hemp aangehad.
Net haar geslag, geskatte ouderdom en geel t-hemp word beskryf… Sterkte met die opsporing van haar geliefdes! Daar is letterlik miljoene mense in RSA met daardie beskrywing.
Genade, wat gaan aan in Welkom? Dit raak beslis een van die geweldadigste dorpe in SA! Sterkte aan die familie. RIV niemand verdien om so te sterf en sommer ge-dump te word nie, behalwe as jy ‘n moordenaar self is.