Soldate, polisie ondersteun die EFF, sê Malema

Economic Freedom Fighters/Facebook

Economic Freedom Fighters/Facebook

Julius Malema, leier van die EFF, het Saterdag beweer talle lede van die Suid-Afrikaanse Nasionale Weermag en die Suid-Afrikaanse Polisiediens ondersteun sy party.

Malema het Saterdag tydens die bekendstelling van die Ekonomiese Vryheidsvegters se verkiesingsmanifes op 3 Augustus by Orlando-stadion in Soweto gesê die EFF bevorder nie geweld nie, maar sal homself teen enigiemand verdedig wat geweld teen hom gebruik.

“Sommige mense sê ons hits geweld aan, maar ons doen nie. Ons veg vreedsaam deur betogings, die howe en die parlement. Ons is nie bang vir enigiemand nie…. diegene wat sê hulle sal die weermag kry om teen ons te draai mors hulle tyd, want talle soldate is lede van die EFF,” het Malema onder toejuiging van ondersteuners gesê wat die bykans 40 000 sitplek-stadion volgepak het.

Collen Maine, leier van die ANC-jeugliga, het Dinsdag aan verslaggewers in Johannesburg gesê sy organisasie sal by pres. Jacob Zuma aansluit as bevelvoerder van die SANW om “soldate los te laat” op die EFF. Dit het gevolg ná Malema se omstrede uitlatings tydens ʼn televisie-onderhoud toe hy gesê het sy party sal Zuma se regering “deur die loop van ʼn geweer” verwyder.

Malema het gesê die weermag is “gekant teen ʼn korrupte regering” en dat Zuma sy kantoor moet verlaat “voor dit te laat is”. “Dreig julle ons met die weermag? Die weermag is vol EFF-lede.”

Malema het met ʼn gebalde vuis in die lug en in ʼn harde stemtoon gesê die EFF is nie bang vir enigiemand nie, en niemand sal enigiets teen ʼn swart meerderheid doen nie. “Ons het apartheid oorwin en ons kan hierdie oorwin… dit gaan nie oor my of die party nie. Dit gaan oor die swart meerderheid. Hierdie party word nie deur wit mense van raad bedien nie, en hierdie party word ook nie gefinansier deur wit mense se geld nie. Dit is vir die armes wat die swart meerderheid is. Dit is ʼn sosialistiese program wat onkeerbaar is.

“Ons het die ANC geklop deur die stadion vol te pak… Hulle kyk na hul televisieskerms met een oog… Zuma se bloedsuikervlak skiet die hoogte in terwyl ons praat. Ons daag niemand behalwe die ANC nie. Die res van die partye is niks voor ons nie. Ons sê vir die ANC ons is gereed en nie bang vir hulle of Zuma nie,” het Malema bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

41 Kommentare

jongste oudste gewildste
Jollie Jacqueline

Wat ‘n kommunis en rassis!! Die mense wat sê hy sal nooit aan bewind kom nie, moet wakker word. Hy sal wit mense uit roei, sonder om te skroom. Hy sal soos Robert Mugabe en Hitler wees. 40 000 mense in daardie stadium ondersteun hom!

Grap

My opinie is dat die eff homself sal uitwoed ‘n klein minderheid en veral die nie of min geskoolde ondersteuners van die ANC sal vir hom stem en dis dit

Drieks

Hy vat geen verantwoordelikheid vir sy uitlaatings nie. Hy gaan swart op swart ook laat draai.

Luister

Dit klink vir my soos ‘n dreigement. Ek dink ook hierdie man is baie gevaarlik! As hy president word, sal ons wens Zuma is terug.

Sarie 2

Toe die ANC destyds van Malema ontslae geraak het, het ek gesê: “Hier kom gròòt moeilikheid! Hièrdie outjie gaan Parlement toe & èk sal my niè verbaas, as hý eendag President word nie!” Het mense my met gròòt minagting vertel dat hý nèrens sal kom nie, want hy konnie eens Houtwwerk slaag op skool nie… Wel, hy ìs in die Parlement & dit lyk nie vir mý asof enigiets hom gaan stuit nie!!! Hy is gladnie sò onnosel as wat mense gedink het nie. Hý het die pàssie & is onverskrokke!!!