Solidariteit, AfriForum in hof oor rassistiese toerismefonds

Mmamoloko Kubayi-Ngubane (Foto: Jairus Mmutle/GCIS)

Solidariteit en AfriForum sal vandag in die hooggeregshof in Pretoria wees vir die aanhoor van hul saak teen die departement van toerisme en sy minister, Mmamoloko Kubayi-Ngubane.

Dié twee instellings het met regstappe begin omdat die minister ná samesprekings steeds weier om die Toerisme-ekwiteitsfonds (TEF) vir alle toerismeondernemings oop te stel.

Pres. Cyril Ramaphosa en Kubayi-Ngubane het verlede jaar die TEF bekend gestel as ’n instelling wat finansiering aan toerismeondernemings in swart besit verskaf tydens die Covid-19-inperking. Slegs ondernemings wat minstens 51% swart eienaarskap het, kwalifiseer vir lenings of toelae van dié fonds.

“Om transformasie en ander rasse-ideologieë te midde van ʼn pandemie, wat ʼn bedryf verwoes het, te dryf, is onverskillig teenoor die nood van die einste toerismesektor wat die minister getaak is om te ondersteun,” het Anton van der Bijl, hoof van regsake by Solidariteit, gesê.

“Entrepreneurs en werknemers in hierdie bedryf het juis nou die regering se ondersteuning nodig, maar die regering kies – soos gewoonlik – om sy eie agenda bo die behoeftes van sy burgers te plaas.”

Buiten hulpverlening tydens die Covid-19-pandemie, het die fonds van sowat R1,2 miljard ten doel om skuldfinansiering te bied, om toelae beskikbaar te stel om aandele te bekom en om nuwe projekontwikkeling in die toerismebedryf vir swart entrepreneurs te vergemaklik.

Volgens Jacques Broodryk, bestuurder van veldtogte by AfriForum, is dit immoreel om ʼn pandemie uit te buit om transformasie te bevorder. “Met hierdie fonds wil die staat in werklikheid geld aan swart entrepreneurs gee om besighede oor te koop.

“Daar sal uiteraard baie toerismeondernemings wees wat weens die finansiële impak van die inperkingsmaatreëls verkoop sal moet word. Dit is ʼn lae hou van die regering om nie eerder hierdie ondernemings finansieel by te staan nie, maar om hulle verder uit te buit.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Tiptol

As ek die voorstelle van die nuwe gelykheidswet lees, is hulle dadelik skuldig, as werkgewer sowel as werknemer.

Pieter

Ons blankes se belasting geld is goed genoeg. Wanneer gaan ons blankes wakker skrik die ANC steur hom nie aan n hof nie.

Deon

Ek het voorheen verstaan dat sekere besighede nie finansieel gehelp gaan word nie, dit is n helse klap in die gesig vir diegene wat belasting betaal…. Die dat dit voorkom asof daardie einstes nou “dood gewurg” gaan word om sodoende hulle besighede oor te vat met behulp van geld wat daardie einste persoon aan belasting betaal het. DAAR IS NET EEN DING DAAROOR TE SE “SLINKSE SKELM LOT OPPORTUNISTIESE DIEWE” WAT ANDER UITBUIT OMDAT HULLE DIE MAG HET OM DIT TE KAN DOEN!!!!! ……. Dit lyk amper soos n plan om ons te forseer om mekaar te haat…

Chris dupreez

Soos ek voorheen gesê het, blankes in die bedryf sal weer opstaan en weer bo uitkom sonder die regering se geld. Baie beter doen as die wat geld verniet kry en nie weet hoe om daarvoor te werk nie. Dit kan verkeerd gebruik word en nie lank dan is hulle weer finansieel in die moeilikheid

JohanR

Word BEE nou vir alles gebruik in SA? Toilette in skoole? 4 toilette vir swart leelinge, 2 vir bruin leerlinge en 1 toilet vir wit leerlinge. Knyp my maat, knyp!