Solidariteit begin met regsaksie teen DStv oor advertensie

Om die advertensie te sien, klik hier.

'n Skermskoot uit die advertensie

‘n Skermskoot uit die advertensie

Solidariteit het vandag hofstukke ingedien waarvolgens die vakbond aansoek doen om ʼn dringende interdik om DStv se reklameverkoopshuis, DStv Media Sales, te dwing om die vakbond se advertensie teen onbillike regstellende aksie en rassekwotas uit te saai.

Dirk Hermann, bestuurshoof van Solidariteit, sê die vakbond het vandag die hofstukke op al die partye beteken met die oog daarop om die saak voor die einde van die week te laat aanhoor. “Indien die hof in ons guns beslis beteken dit dat die advertensie in sy huidige vorm en in die tydsgleuwe wat Solidariteit reeds bespreek het uitgesaai moet word. DStv voer aan dat die advertensie polities gemotiveerd is omdat dit handel oor regstellende aksie. DStv het die advertensie in kwader trou geweier. Die redes wat verskaf is, hou eenvoudig nie water nie aangesien politieke partye en ander organisasies wel toegelaat word om op DStv te adverteer.” Solidariteit sê hy het die advertensie vervaardig, advertensieruimte bespreek en betaal, maar is egter kort voor dit op DStv moes begin verskyn in kennis gestel dat dit nie uitgesaai gaan word nie, aangesien dit oor regstellende aksie handel.

Maroela Media het vroeër berig dat Solidariteit verdere stappe teen DStv sal neem indien die uitsaaier volhou met sy weiering om die advertensie uit te saai. Die advertensie is vervaardig in aanloop tot die Renate Barnard-regstellendeaksiesaak wat op 20 Maart in die konstitusionele hof in Johannesburg aangehoor word. Barnard, wat deur Solidariteit verteenwoordig word, veg reeds agt jaar om bevordering in die Suid-Afrikaanse Polisiediens (SAPD). Sy is telkemale oor die hoof gesien vir bevordering weens haar velkleur.

Lees ook:

Eksklusiewe video: Hier is die advertensie wat DStv nie wil hê jy moet sien nie
‘Die advertensie wat DStv nie wil hê jy moet sien nie’

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

9 Kommentare

Rudi ·

Nou maar sit hom op YouTube laat ons kyk! Of mag mens dit nie doen voordat dit op TV uitgesaai is nie?

Stefan Du Preez ·

Rudi, Gaan kliek op die link verskaf deur Maroela Media hierbo “Lees ook” Daar sal jy die video kan sien.

Jo ·

Ek verstaan nie Dstv se argument nie. Om te se die advertensie is polities gemotiveerd is mos nie ‘n verskoning nie want Regstellende Aksie is mos ook polities gemotiveerd. Komaan, Dstv! Julle is mos darem nie onder staatsbeheer nie. Of is julle…

gumay hartzenberg ·

Goeiedag
Ek wil graag weet of jul ‘n nuusbrief het en indien well, hoe gemaak dat ek dit ook kan ontvang.
Vriendelike Groete
Gumay Hartzenberg

anita ·

Hoeveel betalende lede het DSTV? was hulle gevra om kommentaar te lewer? wie is nou die hoof Direkteure van DSTV?

eindelik is dit lagwekkend dat hierdie TV aanbieder deur soveel mense ondersteun word, en dan is daar ook “Regstellende KYK”

gert van niekerk ·

Dus DSTV ondersteun eerder diskriminerende optredes gegrond op velkleur dan die grondwetlike reg van vryheid van spraak. Gee hul al hulle hel.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.