Solidariteit besluit oor deelname aan anti-korrupsie optog

Dirk Hermann. Foto: Reint Dykema

Dirk Hermann. Foto: Reint Dykema

Die Solidariteit Beweging het gesê hy sal Maandag sy besluit bekend maak of die beweging se instellings wel in Augustus vanjaar aan die burgerlike optog teen korrupsie gaan deelneem.

Dit volg nadat die voormalige hoofkommissaris van Cosatu, Zwelinzima Vavi, Solidariteit skriftelik genooi het om aan die anti-korrupsie optog deel te neem en deel te wees van die reëlingskomitee.

Vavi het verskeie burgerlike organisasies en vakbonde gevra om op 19 Augustus deel te neem aan die optog na die Parlement en die Uniegebou. Organisasies soos die Bondgenootskap teen Stedelike Tol (Outa), Numsa en Equal Education het reeds aangedui dat hulle aan die optog sal deelneem. Vavi het gesê die optog volg omdat kwessies so e-tol en die veiligheidsopgraderings by pres. Jacob Zuma se Nkandla-woning aandui dat ongekende vlakke van ontkenning oor korrupsie bereik is.

“Ons sal die uitnodiging sterk oorweeg. Korrupsie is ʼn probleem wat oor gemeenskappe strek en alle Suid-Afrikaners behoort saam te staan teen die probleem,” het Dirk Hermann, bestuurshoof van Solidariteit, gesê. “Dit sal ʼn kragtige politieke boodskap uitstuur indien die burgerlike samelewing oor tradisionele verdelingslyne hieroor kan saamstaan.”

Hermann het gesê die Solidariteit Beweging bestaan uit 18 instellings, insluitend die vakbond Solidariteit, die burgerregte-organisasie AfriForum, die maatskaplike instelling Solidariteit Helpende Hand en die Federasie van Afrikaanse Kultuurvereniginge (FAK). Die Solidariteit Beweging verteenwoordig sowat 310 000 gesinne.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Bruno Stef ·

Ek dink persoonlik self dit is n briljante idee om vir die dikvellige regime te wys dat dit vir menigte n onaanvaarbare geplunder is.Kom ons gee ons volle steun daaraan en dring sommer aan op die veiligheids situasie in die land se herstel.

Pieter dp ·

Ek stem in. Dit gaan oor die verkeerd in ons land. Dis onder steen ek hul ge heel en al. Is beryd om saam te stap.

Charlotte ·

Ek stem volkome saam dat ons hande moet vat en aan die optog deelneem hopenlik kry die spul skelms die boodskap……..ons is moeg vir korupsies en geliefdes wat so onnodig vermoor word,dat vat hulle net n selfoon om dit n minuut later weg te gooi.

Bez ·

Wat is daar om oor te besluit?

Maak nie saak wie die uitnodiging gestuur het nie, dit gaan oor die korrupsie wat die land lam lê, maar Solidariteit gaan seker nou ‘n eiertjie wil lê omdat dit nie hulle inisiatief was nie. Ai tog….., kom net by Solidaritiet!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.