Solidariteit en sy lede bly werk te midde van SAL-chaos

SAL-SAA-Airbus-A330-243

Drie van SAL se Airbus A330-243 vliegtuie staan by Heathrow-lughawe in Engeland in 2012. Foto: Alex Beltyukov/RuSpotters Team/Commons.wikimedia.org

Solidariteit het bevestig dat sy lede ten spyte van onstuimigheid voortgaan om vir werk by die Suid Afrikaanse Lugdiens (SAL) aan te meld. In die lig van die SAL se uiters bedenklike situasie beskou Solidariteit en sy lede ʼn staking as destruktief, eerder as konstruktief.

Volgens Derek Mans, ’n organiseerder by Solidariteit, is die toekoms en volhoubaarheid van die SAL op die oomblik op ʼn mespunt. “Dit is ’n gemene saak dat die SAL nou al vir etlike jare onderpresteer en sukkel om aan die gang te bly, maar sy voortbestaan is nog nooit tevore so bedreig soos nou nie. Solidariteit en sy lede is bewus van die geweldige krisis binne die SAL. Daarom moet ons breër dink oor oplossings en moet ons nie onsself blindstaar teen die idee van ‘met sake soos normaal’ aangaan nie.”

Solidariteit benadruk dat terwyl sy lede voortgaan om bedrywighede binne die SAL aan die gang te hou, Solidariteit daaraan werk om oplossings saam te stel om die geheelbeeld van die SAL in die beste belang van sy lede, sowel as die land te omskep.

“Wat hier gebeur, sal drastiese gevolge inhou, nie net vir al ons lede nie, maar ook vir die fiskus en die land in die geheel. Die tyd het nou aangebreek dat iemand beheer moet neem van die situasie en om die saak op ʼn verantwoordelike manier te bestuur. Ons gryp hierdie geleentheid met ywer aan en ten spyte van die enorme onstuimigheid wat tans woed, sal ons en ons lede aanhou werk,” het hy bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Wielspore

Solidariteit kan gerus hule eie lugdiens begin, genaamd SoleFly
Sole – Solidariteit of alleen
Fly – vlieg
Alleen vlug – SoleFly

Zoom Zoom

Ons Moet die kaders wat bedank asook die vakbond betrokke wat SAL in die gemors gedompel het.
Dankie aan die Zuptas en vriende.

Johanna Botha

Ek wens die saa gaan nou finaal onder …dis n swartgat van korrupsie en onbekwaamheid !

Dolf

Wittes werk hard om die vlerke in die lug te hou, maar hulle gaan die eerstes wees wat afgelê word. Die lewe bly maar onregverdig.

Al

Dis die enige opsie. Ten minste weet Solidariteitlede om te ‘demand en te demand’ in die realiteit nie werk soos ander vakbonde onintelligent en gierig optree nie.