Solidariteit gaan BLF hof toe vat

Dr. Dirk Hermann, die bestuurshoof van die vakbond Solidariteit.. (Foto: Maroela Media)

Die vakbond Solidariteit gaan regstappe neem teen die BLF na aanleiding van uitlatings wat gemaak is na die tragedie by die Hoërskool Driehoek in Vanderbijlpark.

“Ons is absoluut gewalg deur die opmerkings deur die BLF se woordvoerder Lindsay Maasdorp waarin hy die dood van die wit kinders verwelkom,” het dr. Dirk Hermann, bestuurshoof van Solidariteit, gesê.

Maasdorp het ook op die tragedie reageer deur te sê: “God is on our side.” Zwelakhe Dubasi, adjunksekretaris-generaal van die BLF, het op sy beurt gesê: “Ancestors are with BLF, as we fight they fight too. They shake the land and white buildings built on stolen land collapse. Keep fighting Zinyanya, you are fighting a good fight. Camagu! [sic]”

Volgens Hermann is verskeie van die beseerde kinders se ouers lede van Solidariteit en een van die vakbond se verteenwoordigers se kind is ook in die tragedie beseer en steeds in ʼn ernstige toestand in die hospitaal.

“Die Solidariteit-strukture in die Vaaldriehoek reik op verskeie maniere uit na die slagoffers en families. Solidariteit is geskok oor die voorval en spreek ons innige simpatie uit met die oorlede kinders se families en bid vir spoedige herstel van die beseerde kinders. Ons huil saam.”

‘n Skermskoot van die uitlatings.

Hermann het gesê verskeie ouers en vriende van die slagoffers het Solidariteit genader om met regstappe teen Maasdorp te begin. “Ons sal later aankondig namens wie ons almal gaan optree. Ons regspan gaan reeds die naweek begin om hofstukke op te stel wat nog binne die volgende week op Maasdorp en die BLF beteken gaan word.”

Solidariteit wil Maasdorp van crimen injuria aankla en daar sal op die Vicki Momberg-presedent gesteun word, het Hermann gesê. “Ons is van mening, op grond van die Momberg-presedent, dat tronkstraf die gepaste straf vir Maasdorp sal wees. Ons beplan ook ʼn saak by die Gelykheidshof op grond van die Penny Sparrow-presedent.”

Maasdorp se oortreding is strafregtelik en ons is van mening dat hy swaar gestraf moet word, het Hermann gesê. “In die Momberg-saak het landdros Pravina Raghoonandan gesê: ‘Respek vir mekaar is ononderhandelbaar. Ons is almal mense.’ Hierdie opmerkings van die landdros is in die oortreffende trap op Maasdorp van toepassing.”

Solidariteit het voorheen ʼn klag teen Maasdorp by die Menseregtekommissie ingedien na soortgelyke opmerkings oor die droogte in die Wes-Kaap. “Die MRK het aangedui dat hulle Maasdorp gaan vervolg.”

Die VF Plus en die DA-jeug het ook aangedui dat hulle Maasdorp en die BLF by die MRK sal verkla.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

96 Kommentare

jongste oudste gewildste
Jaco Olckers

Hulle moet dit voor my kom se. Veral as die lot ressiste so praat oor een van my mense.

Francois

BESTE NUUS OOIT

Chris -Natal

10 uit 10 Solidariteit,
moenie tyd mors nie sommer Maandag

Rikku

Dankie Solidariteit.
Ek skenk maandeliks my bydrae aan julle met ‘n oop hart. Ek is’n 65 jarige afgetrede Dame en ek daag al my mede Lesers uit om aan te sluit by Solidariteit . Ek lees daagliks hoe my klein bydrae aangewend word en is trots daarop. Ons kan almal saam ‘n Groot Verskil maak. Moet nie net sit en kommentaar lewer nie ! Doen iets omtrent dit. Help dat ons almal kan saamstaan vir geregtigheid in Ons Suid Afrika.

dejager

Die leegste blikke maak die grootste lawaai.