Staking by Okosa (Foto; @bhekiguru, Twitter)
Die vakbond Solidariteit het vandag gesê dat hy nie by die Onafhanklike Kommunikasie Owerheid van Suid-Afrika (Okosa) gaan staak nie.
Dit volg na verskeie berigte die ronde gedoen het dat die vakbond ’n stakingsaksie by Okosa van stapel gaan stuur.
Volgens Marius Croucamp, adjunkhoofsekretaris van die kommunikasiebedryf by Solidariteit, is Solidariteit glad nie van plan om te staak nie en is die berigte wat na so ’n staking verwys, ongegrond. “Solidariteit word nie kollektief by Okosa erken nie en het gevolglik geen aansoek gedoen om ’n stakingstoestemming te verkry nie,” het Croucamp gesê.
Okosa het intussen self ook bevestig dat geen stakingsertifikaat vanaf Solidariteit ontvang is nie.
Personeellede by Okosa staak glo weens ʼn herstruktureringsproses wat verlede jaar ingestel is. Paseka Maleka, woordvoerder van Okosa, eis die personeel bonusse vir die 2014/15 finansiële jaar.
Die personeellede beskuldig die reguleerder daarvan dat hy versuim het om te voldoen aan die erkenningsooreenkoms wat salarisaanpassings en prestasiebonusse betref.
Die staking beïnvloed Okosa se dag-tot-dag-werksaamhede en die reguleerder kan nie tans aansoeke verwerk nie.
Bhekiguru-arbeidsregkonsultante het foto’s van stakers by Okosa op sosiale media gelaai.
#Icasa employees on strike @eNCA @POWER987News @HajraOmarjee @CathyMohlahlana @ThabisoTema pic.twitter.com/UZqAbsAkcz
— Bhekiguru Labour law (@bhekiguru) July 4, 2016
Pictures of #Icasa employees on strike @eNCA @Powerfm987 @CathyMohlahlana @HajraOmarjee @imanrappetti pic.twitter.com/py8YIvla6y
— Bhekiguru Labour law (@bhekiguru) July 4, 2016
#ICASA Riot Police has been called in #ICASA employees on strike @CathyMohlahlana @eNCA @ANN7tv @Powerfm987 pic.twitter.com/9VH0nGEHfV
— Bhekiguru Labour law (@bhekiguru) July 4, 2016
