Solidariteit sal sportlui bystaan teen intimidasie oor BLM

Minister Nathi Mthethwa. Foto: Siyabulela Duda/GCIS

Solidariteit het vandag sy misnoeë uitgespreek oor die minister van sport, Nathi Mthethwa, se uitlatings in verband met agt Suid-Afrikaanse rugbyspelers wat geweier het om hul knie te buig ter ondersteuning van die BLM-beweging tydens ʼn klubwedstryd in Engeland.

Volgens Werner Human, adjunkbestuurshoof vir Regsake en Navorsing by Solidariteit, het die minister geen reg om spelers op grond van hul ondersteuning, al dan nie, van die BLM-beweging te intimideer of te viktimiseer nie. “Sulke gedrag lê geheel en al buite die bevoegdheid van die minister en maak inbreuk op hierdie spelers se vryheid van spraak, oortuigings en geloof. Trouens, ons praat nie eens van vryheid van uitdrukking nie – die minister poog hier om gedwonge uitdrukking van spraak te bewerkstellig. Dit kan nooit geduld word nie.”

Maroela Media het vroeër berig die Sale Sharks se agt Suid-Afrikaanse spelers, Rob du Preez (losskakel), Faf de Klerk (skrumskakel), Dan du Preez (agtsteman), Jono Ross (kaptein en flank), Lood de Jager (slot), Jean-Luc du Preez (slot), Akker van der Merwe (haker) en Coenie Oosthuizen (stut), het nie Vrydagaand die knie voor hul wedstryd teen Harlequins gebuig nie.

werner-human-elana-barkhuizen-konferensie-2019-01-15

Werner Human, adjunk uitvoerende hoof van regsdienste by Solidariteit. Foto: Reint Dykema.

Die spelers het egter steeds gewys dat hulle teen rassisme gekant is deur T-hemde te dra met die woorde “Rugby Against Racism” daarop. Hoewel vier spelers in die beginspan die knie gebuig het, het Manu Tuilagi – die Engelse internasionale speler van Samoaanse herkoms – ook staande gebly. Mthethwa was egter nie baie in sy skik hiermee nie en het ʼn verduideliking hiervoor geëis.

Solidariteit het dit verder gestel dat hy sal intree namens enige van die agt spelers wat deur die minister geteiken is, asook enige ander sportlui wat in die beoefening van hul beroep benadeel word weens hul weiering om die BLM-beweging te ondersteun.

Hennie Bierman, hoof van die afdeling Beroepsgildes by Solidariteit, verduidelik: “Geen werkgewer kan enigiemand dwing om ʼn politieke beweging te ondersteun nie. Nog erger, geen politikus kan in die werkplek inmeng om ʼn werkgewer te dwing om dit te doen nie. Sportlui is reeds in ʼn besonder kwesbare posisie ten opsigte van werksekerheid. Ons kan nie toelaat dat hul grondwetlike regte ook misken word nie.”

Human sluit af: “Vir die minister om teenkanting teen die BLM-beweging as rassisme te beskou, is absurd. Hierdie beweging en sy skadelike voorskrifte en oortuigings moet juis teengestaan word omdat dit negatiewe gevolge vir alle rasse inhou. Tog, hoewel ons nie bereid is om die knie vir BLM te buig nie, beteken dit nie dat ons weier om vir ander daardie ruimte te gun nie. Wat egter onaanvaarbaar is, is om spelers te viktimiseer oor hul eie keuse in dié verband.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Sarel

Eerste vrasg asn die Minidter: wat is sy Geloofsoortuiging. Elke Sportman wat nie sy knié buig niexa.g.v. sy of haar Geloofsoortuigung verdien meer respek as ‘n Politikus.

Pieter

Kry net die blankes om standpunt in te neem en saam te staan.

Riana

Sê hulle!!!

Robert

Hy het die aandag gekry wat hy gesoek het.

Botterblommetjie

Ek dink die BLM en Corona en nog baie dinge is besig om ons geloof te toets. Ek kan nie oordeel nie, ek kan ook sê wat reg of verkeerd is vir enige iemand nie. Ek kan net bid dat God Sy kinders kom red uit die wêreld wat besig is om Sy kinders te teister… Op die stadium voel ek die mense wat dood is is op ‘n beter plek (hang natuurlik van waarnatoe jy gaan) as wat ons wat nog leef is….