Solidariteit verteenwoordig nou geskorsde Southdowns-juffrou

Solidariteit bestuurshoof dr. Dirk Hermann. Foto: Reint Dykema

Die vakbond Solidariteit het Maandag aangekondig hulle gaan die geskorsde Geskiedenis-onderwyseres van Southdowns College verteenwoordig.

Anita Malan is verlede week geskors, nadat sy op ʼn leerder se antwoordstel gevra het of sy dink apartheid het steeds ʼn noemenswaardige impak op armoede in Suid-Afrika. ʼn Vriend van die leerder se pa het Malan toe op Twitter daarvan beskuldig dat sy die leerder onregverdig benadeel het, omdat sy ʼn ander opinie as Malan oor apartheid het. Malan daag nou die skool voor die Kommissie vir Versoening, Bemiddeling en Arbitrasie (KVBA)

“Ons eerste konsultasie het gewys dat hier ʼn onreg teenoor die onderwyseres gepleeg is,” sê dr. Dirk Hermann, bestuurshoof van die vakbond, ná ʼn konsultasie met Malan en haar prokureur, Simon Riekert.

Die gewraakte Geskiedenis-antwoordstel. (Foto: Twitter)

“Die skool het totaal oorhaastig opgetree. Die feit dat sy geskors is oor, soos die skool dit stel, haar ‘onvanpaste’ gedrag, wys dat die skool ook ʼn waardeoordeel gevel het, sonder om die ander kant van die saak te hoor,” sê Hermann.

Hermann sê die Twitter-herrie het net ʼn halwe waarheid verkondig en dat hulle geen steen onaangeroer sal laat om die waarheid bloot te lê nie. “Dit is jammer dat ons deur ʼn regsproses en soveel trauma moet gaan om by die waarheid uit te kom. Ons is bekommerd dat Twitter ʼn boendoehof geword het waar mense sonder verhoor en sonder om die ander kant van die saak te hoor, skuldig bevind word.”

Volgens Hermann is Malan reeds 35 jaar in die onderwys en is die saak vir haar verskriklik swaar, aangesien kinders haar passie is. “Sy was nog altyd ʼn goeie, lojale juffrou met ʼn liefde vir onderwys. Met haar geskiedenis moes sy die voordeel van die twyfel gekry het. Twitter-trolle kan nie die toekoms van goeie onderwysers bepaal nie,” sê Hermann.

Riekert het bevestig dat Malan ʼn lid is van Solidariteit en dat hulle nou die saak by hom oorneem. “Ons het dit goed gedink om die saak aan Solidariteit oor te gee, aangesien hulle ervaring het met soortgelyke sake,” sê Riekert.

Hermann sê hulle het verdere regskonsultasies hierdie week met hul advokaat, waarna hulle hul regsstrategie, en meer besonderhede oor die voorval bekend sal maak.

“Ons wil ʼn harde boodskap uitstuur dat die nuwe ‘reg’ wat mense verhoor sonder om die ander kant te hoor, moet stop,” sê Hermann.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Ai

Great Solidariteit. Ek het ook regtig gedink daar is niks fout met die juffrou se opmerking nie. Party mense is net fyngevoelig en lewe in die verlede nadat ons al 25 jaar in demokrasie is en wat nou aangaan in die land met armoede en als die Regering en ANC se skuld is en defnitief nie apartheid. Build a bridge and get over it!

Outoppie

Probeer om haar daar vir so 5 jaar te hou met skorsing met volle betaling en voordele.

Judge Dredd

Mooi so Solidariteit!!

Yvonne

Juffrou , ek hou duim vas dat die saak in jou guns bevind word. Ek sien niks fout met haar kommentaar op die vraestel nie. Dit kon beteken dat sy die leerling net meer wou gee om oor te dink . Niks fout daarmee nie en in elke geval vir hoe lank gaan apartheid nog steeds die skuld kry vir alles. Dit klink in elke geval of die leerling te jonk is om te weet wat presies voor 1994 gebeur het. Sy/ haar weergawe grootliks hoorse.

TwaalfBoor

Gaan vir die “keel” Solidariteit.