Sommige reservoirs in Tshwane-gebied ‘kritiek laag’

Foto ter illustrasie. (Foto: pixabay)

Die Tshwane-metroraad sê reservoirvlakke in die streek het die afgelope paar dae beduidend gedaal.

“Sommige reservoirvlakke is kritiek laag weens die Rand Water-verskaffingsmeters in die westelike voorstede wat met 30% beperk word,” het Lindela Mashigo, woordvoerder van die metroraad, Donderdag in ʼn verklaring gesê.

“Die vraag na water is geweldig hoog weens die hoë temperature die afgelope ruk. Die reservoirs kan bloot nie byhou nie.”

Herstelwerk aan die tonnelnetwerk van die Lesotho-hooglandwaterskema het boonop op 1 Oktober begin en sal tot 30 November duur.

Die tonnel word gesluit en leeggemaak vir inspeksie- en instandhoudingswerk. Dit beteken geen water kan na die geïntegreerde Vaalrivierstelsel gepomp word nie.

Die metroraad het dus weereens ʼn beroep op inwoners gedoen om water spaarsaam te gebruik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Ig

Hoekom het hulle nie die werk in die winter gedoen nie? I rest my case!!

Dubbelloop

Weereens swak beplanning om nou die tyd vd jaar die werk by tonnel te doen. Hulle kon die werk mos in die wintemaande op die tonnel gedoen het.

Dafer

Hier kom groot moeilikheid!

Gert van Wierdapark

Dit help nie net om n “Beroep te doen nie”! Looi die water-morsers met duurder water, of boetes. Dit kan Tshwane ook loon om al die Boorgat-inwoners “te maan” om nie so baie boorgatwater te mors nie. Hul dink mos skynbaar die water behoort aan hulle! In Centurion behoort boorgate in elk geval almal geseel te word om moontlike grond-insakkings weens die daling in watertafels agv onttrekking van SO BAIE water!!! Finish en Klaar! Nota:Maroela Media kan gerus n opvolg-storie oor boorgate in Centurion doen en hoor wat die DA se standpunt hieroor is!

Db

Mense ons noem dit Afrika tyd. Geen haas om enigiets te doen nie want more is nog ‘n dag