Sosialemediaplasings oor plaasmoorde: MRK stel sy kant  

Een van die inskrywings wat die DA na die Menseregtekommissie verwys het.

Die Menseregtekommissie (MRK) sê hy beskou enige bedreiging van die reg op lewe, vryheid, veiligheid, gelykheid en waardigheid in ʼn uiters ernstige lig.

Die MRK het bevestig dat hy wel ondersoek instel na ʼn klagte wat hy ontvang het oor sosialemediaplasings wat plaasmoorde verheerlik en uitsprake wat teen persone gerig is op grond van hul ras.

“Die MRK beskou die aanhitsing of oproep tot geweld teen persone op grond van ras of op enige ander verbode grondslag in ʼn uiters ernstige lig en ondersoek die saak,” het Gushwell Brooks, woordvoerder van die MRK, gesê.

Ten einde maatskaplike samehorigheid in Suid-Afrika te laat floreer moet die veiligheid en vryhede van alle Suid-Afrikaners gewaarborg word en moet die staat, en veral die Suid-Afrikaanse Polisiediens (SAPD), dus die veiligheid van almal verseker teen die vlaag misdaad – insluitend misdade wat op plase gepleeg word.

“Gepaardgaande rassisme en uitsprake wat gerig is op die verheerliking van hierdie gruwelike misdade, veral dié wat op bepaalde groepe op grond van ras gerig is, behoort egter geen plek in Suid-Afrika te hê nie.”

Die DA het die afgelope maand verskeie sosialemediaplasings, wat oënskynlik plaasmoorde en -aanvalle verheerlik, na die MRK verwys om as haatspraak ondersoek te word.

Die MRK het egter aanvanklik dié klagtes summier verwerp en gesê die polisie is in ʼn beter posisie om dit te ondersoek. “Hoewel die kommissie saamstem dat hierdie soort inhoud onaanvaarbaar en onregmatig is, is dit eerstens, soos jy in jou klagte uitwys, ʼn misdaad.

“Misdaad val onder die polisie en die Nasionale Vervolgingsgesag (NVG) en is strafbaar deur heelwat strenger meganismes as wat die MRK tot sy beskikking het,” het die MRK se aanvanklike antwoord aan die DA gelui.

Dianne Kohler Barnard, DA-parlementslid en voorsitter van die party se werksgroep oor landelike veiligheid, sê dié party vertrou dat die kommissie van nou af sy mandaat ernstig sal opneem en die blatante misbruik van menseregte en haatspraak spesifiek rakende plaasaanvalle en -moorde onder die loep sal neem.

“Geweld en haatspraak teen sekere rassegroepe kan nie geduld word nie. Indien sulke voorvalle voorkom, moet dit ondersoek en die skuldiges gestraf word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Martie Smartie

Aan die MRK: DIS N SISTEMIESE PROBLEEM. Julle weet dit goed, die sosiale media is deurspek daarvan om te diskrimineer en haatspraak teen witmense te verkondig. Doen julle werk, my belasting betaal julle salarisse en ook die sin waarteen haat verkondig word. Stel bevoegde forensiese rekenaar ondersoekers aan om die werklike identiteite vd haatsprekers vas te stel. Maar nee, julle sal nie, want dan ontbloot julle mos die ras en geslag vd skuldiges. En daardie ras en geslag kan mos nie rassiste wees nie, aldus die EFF

Persheks

Hulle probeer ons vir suigstokkies vat! Moet nie ons intelligensie onderskat nie hoor! Julle is SOOOOOO in die ANC se gaaitjie en sal tog niks doen nie… Mense regte kommissie is NIE vir ons blankes NIE!

Persheks

Ons het geen sê nie en MRK is so teen ons blankes nou moet SAPD saak ondersoek. Ewe useless ons kan net sowel teen ‘n muur vas hardloop!

Ons moet nag sê en dit sag sê eish!!!

Blikke

En ek se hier gaan absoluut dadels van kom!!!

Lorayne

Julle hoef nie te veel moeite te doen nie. . . begin by julius malema en BLF (Black Lable First)