Soveel het ondersoek na wapentransaksie gekos

Gripen-vegvliegtuig Foto: gripen.com

Gripen-vegvliegtuig Foto: gripen.com

Die minister van justisie en korrektiewe dienste het bekend gemaak hoeveel die Seriti-kommissie van ondersoek na die multimiljoenrand-wapentransaksie belastingbetalers uit die sak gejaag het.

DA-LP David Maynier het min. Michael Masutha in ʼn parlementêre vraag versoek om bekend te maak hoeveel die kommissie gekos het. Volgens Masutha het die kommissie se koste teen 31 Maart 2016 reeds meer as R137 miljoen beloop. Die presiese bedrag is R137 264 521.

Die grootste gedeelte van die besteding tussen 2012 en 2016 was aan “getuienisleiers” vir die bedrag van R82,2 miljoen. Daar was altesaam vyf senior “getuienisleiers” en vyf “getuienisleiers”. Salarisse vir werknemers van die kommissie het meer as R30 miljoen beloop terwyl Jabulani Mahlangu, ʼn forensiese ouditeur, meer as R9 miljoen ontvang het.

Zuma het die kommissie op 24 Oktober 2011 aangestel onder leiding van regter Willie Seriti ná bewerings van onbehoorlike invloed in die wapentransaksies. Die kommissie is aanvanklik twee jaar gebied en het R40 miljoen gekry om sy ondersoek te voltooi. Die ondersoek het egter langer as vier jaar geduur.

Die kommissie het sy verslag op 30 Desember verlede jaar aan Zuma oorhandig waarna Zuma dit in April bekend gemaak het. Zuma het gesê die kommissie het bevind dat daar geen bewyse van korrupsie of bedrog was nie.

Die regering het onder andere in 1999 tydens die multi-miljardrand-aanskaffingstransaksie 26 Gripen-vegvliegtuie en 24 Hawk-vegvliegtuie vir die lugmag, en fregatte en duikbote vir die vloot aangekoop.

Lees alle vorige berigte oor die wapentransaksie op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
m

Ja wat dis hoekom ons se gelooi word met die tax, dis om vir hierdie nonsense te betaal.

Rynhardt

Dit is n absolute skande dat die wapentransaksie van bedrog meer as R137miljoen gekos het, tetwyl werkloosheid en misdaad gedy onder n gewetenlose Anc-regime! Die ergste van alles is dat die Anc se eie ondersteuners weet nie eens wat aangaan in SA politiek nie, en word net gereeld gepaai met mooi beloftes wat nie gaan materialiseer nie!

Joann

En daar gaan niks van kom nie. Die vel kleur is nie wit nie.

Jan maak n Plan

Eks duidelik in die verkeerde beroep. Dis tot op datum nog die duurste lieg storie in ons geskiedenis.

GES

Dit begin lyk, dat as korrupsie sy kop uitsteek, dit goedkoper is om eerder oë toe te knyp, as om vir ‘n ondersoek te vra. Die vuisvoos belastingbetalers kry net met ‘n ondersoek ‘n dubbel pak slae. Wat ‘n gemors ! Rommelstatus is haastig oppad.