Soveel kry parool om Covid-19 te bekamp

Argieffoto Foto: veooz.com

Die departement van korrektiewe dienste het Woensdag gesê 6 128 gevangenes is tot dusver op parool vrygelaat om die verspreiding van Covid-19 in tronke te bekamp.

Pres. Cyril Ramaphosa het in Mei aangekondig dat 19 000 “lae risiko”-gevangenes oor 10 weke op parool vrygelaat sal word. Hy het gesê die besluit is geneem ná ʼn versoek deur die Verenigde Nasies om bevolkingsgetalle in tronke te verminder in die stryd teen Covid-19.

“Ons het reeds 6 128 gevangenes vrygelaat. Dit vereis ʼn noukeurige proses waarby slagoffer-oortreder-bemiddeling betrek word en DNS-monsters deur die polisie geneem moet word,” het die departement gesê. “Gevangenes wat vrygelaat word, is diegene wat die betrokke rehabilitasieprogramme ondergaan het om hul gedrag reg te stel.”

Die departement het gesê sy rampbestuurstrategie duur voort by sy 243 korrektiewe sentra landswyd. Die strategie fokus op die welstand van gevangenes en beamptes. “Alle gevangenes het toegang tot gehalte gesondheidsorg, kragtens die bepalings van die Verenigde Nasies se minimum standaarde vir die behandeling van gevangenes.”

Volgens die departement is minstens 3 688 gevalle reeds in die bedryf aangemeld. Hiervan was 2 203 beamptes en 1 485 gevangenes. Die getal infeksies onder gevangenes verteenwoordig 1,03% van alle gevangenes. “Ons het ook 2 235 persone wat reeds herstel het (1 231 gevangenes). Daar is dus 239 aktiewe gevalle onder gevangenes.”

Vyftien gevangenes en 31 beamptes is reeds weens Covid-19 oorlede.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Anel

Mens kan net lag. Laat misdadigers vry om plek te maak vir mensr wat corona regulasies oortree. O, hierdie regering is SIEK!!!!

Isabella

Van waneer af luister hul na di VN ??? begin dan ook te luister na korupsie plaasmoorde ens ens Hoeveel wittes gan vrygelaat word???

JohanR

Word daar nou plek gemaak vir die wat gevang word sonder ‘n masker? Hierdie ANC regering is ‘n grap!

Pieter

Gevangenis het meer regte as ons hulle kry nog sigarete om te rook. Die land en sy regstelsel is n grap.

Maritha

Hahaha. Was dit nie die einste VN of sommer die outydse engelse wat glas stukkies in die medisyne gegooi het en sodoende duisende klein kindertjies vermoor het wat in konsentrasie kampe (gevangenis) was nie? Gmf! Watse minimum mediese nonsens praat hulle van?