Soveel plaasaanvalle reeds in 2019

ian-cameron-2018-03-19

Ian Cameron. Foto: Verskaf.

Die burgerregte-organisasie AfriForum het Dinsdag tydens ’n mediakonferensie by sy hoofkantoor in Centurion die jongste plaasaanvalstatistieke vir 2019 bekend gemaak.

Volgens AfriForum het altesaam 184 plaasaanvalle reeds vanjaar plaasgevind waarvan 20 plaasmoorde was. Die grootste getal plaasaanvalle het in Gauteng plaasgevind (51 aanvalle), gevolg deur Noordwes (28 aanvalle) en Limpopo (27 aanvalle).

In die Wes-Kaap het die getal plaasaanvalle drasties toegeneem. “Aanvalle in die Wes-Kaap het geweldig toegeneem, tot so ’n mate dat meer as dubbel die hoeveelheid aanvalle van 1 Januarie tot 31 Mei 2019 in vergelyking met hierdie tydperk in 2018 aangemeld is,” sê Ian Cameron, AfriForum se hoof van gemeenskapsveiligheid.

Cameron sê verder daar moet gevra word of Stefan Smit, ’n boer van die Wes-Kaap wat Sondag op die Louiesenhof-wynlandgoed doodgeskiet is, se moord nie met grondbesetting te doen het nie. Smit was die afgelope tyd in die nuus nadat onwettige besetters op die plaas Watergang toegesak het en Smit en die ander eienaars van die plaas die Wes-Kaapse hooggeregshof genader het om ʼn uitsettingsbevel te kry.

“As die saak van die begin af reg hanteer is, sou dit so ver gegaan het?” vra Cameron. “Die feit dat een van sy vriende bevestig het dat hy doodsdreigemente ontvang het, sê vir ons dat dit vir hom ’n risiko was. Wat kommerwekkend is, is dat die instansies wat Smit met die grondbesetting moes help hom verkeerd geadviseer het, wat moontlik tot ’n verergerde situasie kon gelei het.”

Volgens Cameron toon AfriForum se data dat plaasaanvallers in baie gevalle nie geld gebuit het nie, maar mense het baie seergekry. “Dit is ook baie interessant dat hoewel mense en spesifiek instansies soos Kwanalu in hul verslag sê dit is duidelik dat plaasaanvalle net sosio-ekonomies gemotiveerd is, dit beslis nie die geval is nie. Buiten die feit dat geld soms ’n rol speel, is dit ook so dat ’n ernstiger misdadiger by hierdie aanvalle betrokke is.”

“As ’n mens na Suid-Afrika gaan kyk, is daar ’n tendens van moorde wat met messe of met skerp voorwerpe gepleeg word, terwyl die oorgrote meerderheid plaasmoorde met vuurwapens gepleeg word,” sê Cameron.

“Dit is belangrik dat ons nie net in statistieke alleen vaskyk nie, aangesien dit dikwels veroorsaak dat mense emosioneel afgestomp word. Ons moet onthou hier is mense wat op die agtergrond sit wat ongelooflik seergekry het en deur verskriklike trauma moet gaan. Dit is waarom [slagoffers] se storie vertel moet word en ons moet seker maak dat die mense nie net statistieke word nie.”

Ernst Roets, adjunk- uitvoerende hoof van AfriForum, het veral sy kommer uitgespreek dat hoofstroomkommentators en meningsvormers volgens hom blykbaar aktief daarop toegespits is om enige pogings om die wreedheid en algemene voorkoms van plaasaanvalle die lig te laat sien, te diskrediteer deur dit as ’n samesweringsteorie of ’n oordrywing te bestempel. “Plaasmoorde en ‑aanvalle is ’n ernstige krisis. Dit is belangrik dat ons feitelik daaroor kommunikeer; dit is egter net so belangrik dat die omvang van die krisis erken word vir wat dit is.”

(Grafika: AfriForum)

(Grafika: AfriForum)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Hennie

Deel van die statistiek wat nie hier genoem word nie is dat 99.9% van die aanvalle deur swartes uitgevoer word!

ryan

Weereens, kom ons hou almal handjies en skree “genoeg is genoeg” en kyk of dit beter sal gaan in die toekoms? Mense, hier is laaaankal aksie nodig……

Naomi Berger

Dit wil voorkom dat dit polities geinspireerd is. Waatom net wit boere?
Waarom wil die regering nie iets doen nie. Dit pas hulle.

marous

Waarom net plaas aanvalle ? Voeg die statistiek van wittes wat vermoor is op plotte en huise in die dorpe en sommer op straat en in voertuie , dan sal hulle sien wat die betekenis van volksmoord is . Die land se hoofman voor wie soveel wittes en spesefiek sekere plaasboere kruip om hul eie basse te red , lag in sy mou .

Victor

Noord-Kaap = 0