Soveel verdien Zuma en ander LP’s

parlementAl ooit gewonder hoeveel pres. Jacob Zuma, adjunkpresident Cyril Ramaphosa of Mmusi Maimane en Julius Malema, leiers van opposisiepartye, verdien?

Volgens Africa Check, ’n niewinsgewende organisasie wat feite nagaan, verdien Baleka Mbete, as  speaker van die nasionale vergadering en Thandi Modise, as voorsitter van die nasionale raad van provinsies, die meeste van al die LP’s, naamlik R2 716 798 per jaar of sowat R226 400 per maand. Dié twee LP’s verdien dieselfde as adjunkpresident Cyril Ramaphosa.

Ministers verdien R2 309 262 per jaar of sowat R192 439 per maand. Adjunkministers en die adjunkspeaker verdien R1 901 726 per jaar, of sowat R158 477 ʼn maand. Die voorsitter van die nasionale vergadering verdien R1 765 935 per jaar.

Die hoofsweep van die regerende party, die hoofsweep van die nasionale raad van provinsies en die president en adjunkpresident van die parlementêre raad, verdien elk R1 494 192 per jaar. Mmusi Mainane van die DA verdien dieselfde bedrag as leier van die opposisie. Dit is sowat R124 516 per maand.

Die leiers van minderheidspartye, soos Julius Malema van die EFF en Bantu Holomisa van die UDM, verdien R1 222 606 per jaar of R101 885 per maand. Die minste wat ʼn LP verdien, is R1 033 438 per jaar of R86 120 per maand.

Die Nasionale Vergadering het in Maart vanjaar ʼn salaris van R2,8 miljoen per jaar vir pres. Jacob Zuma goedgekeur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
Marinda

SKOKKEND – en al die provinsiale hospitale val uitmekaar!!!

Soustrein

Julle moet onthou; byvoordele soos 2 gratis huise; 2 voertuie en 2 huise is nognie eers bygereken nie.
Dan nog ekstra voertuie vir die Blouligbrigade ook.
Dit gaan lekker in die nuwe Suid Afrika

Joe Olivier

Die opskrif en woord “verdien “wat gebruik word in die artikel is baie bedrieglik. Hul kry seker die geld, of hul dit verdien is n ander saak.

Jan maak n plan

Kan seker bly wees hulle kry nie meer geld nie anders het hulle nog meer aangejaag. Ek sien ook dat die rubriek skrywer dit stel dat hulle n salaris verdien – n groot korreksie moet gemaak word – hulle verdien nie een n salaris nie hulle kry dit net.

Ww

Gun wonder hulle skiet mekaar dood vir die salaris nie want hier is nie werksgeleenthede en regerings amptenare verdien ook uit tenders geld