Soveelste trein brand in Kaapstad

Treinwaens wat in November gebrand het. (Foto: Verskaf)

ʼn Treinwa is gisteraand by die Retreat-treinstasie in Kaapstad gebrand. Die wa was vas aan ʼn trein wat oornag op die stasie gestaan het.

Volgens ʼn verklaring deur die Wes-Kaapse regering is die brand omstreeks 22:00 Woensdag aangemeld. Geen beserings is aangemeld nie, maar die treinwa is vernietig.

Bonginkosi Madikizela, Wes-Kaapse minister van vervoer en openbare werke, het die voorval veroordeel. Maroela Media het in November berig dat Kaapstad se burgemeester, Dan Plato, pres. Cyril Ramaphosa gaan vra om die Valke opdrag te gee om ʼn spesiale ondersoekspan op die been te bring om brandstigting van treine in die stad te ondersoek.

Meer as 140 treinwaens, wat sowat 40 treinstelle beslaan, is die afgelope drie jaar in afsonderlike voorvalle aan die brand gesteek.

“Ek gaan volgende week Woensdag weereens met Fikile Mbalula, minister van vervoer, samesprekings voer om ʼn oplossing vir hierdie voortslepende probleem te vind,” sê Madikizela. “Dit is altyd sleg dat passasiers, en veral kinders wat na en van die skool pendel, verontrief moet word deur probleme wat deur die spoorstelsel in die gesig gestaar word.”

Hy sê ʼn ondersoek sal gedoen word om die oorsaak van die brand te bepaal, maar dat hy diep bekommerd is oor die gereelde voorkoms van hierdie brande wat die lewens van pendelaars in gevaar stel.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

15 Kommentare

JMV ·

Plaas dat hulle die kamera’s installeer binne en buite en alle opname deurstuur buite na wie ook al!!

ap ·

Hulle sal treine ook moet begin toesluit , kriminele target enigeiets vir vergelding

magda ·

mmmmmmmmmmm wonder WIE is regtig verantwoordelik vir die???? Wie wil Kaapstad so graag he????????

JJ ·

Dalk ander vervoer middels se grootkoppe wat die ringkoppe is agter die brande om hulle eie sakke vol te prop????

Annoniem ·

Ek stem saam jou, Magda, maar wonder of dit nie die taxi-bedryf is wat die treine so booikot nie? As die treine nie loop nie, kan die taxi’s mos SKEP!

Bert ·

Die eff het mos gesè hulle gaan die land onregeerbaar maak.

Cherokee ·

Die herhaaldelike rympie dat voorvalle veroordeel word, is vervelig. Ek wonder of al die regeringswoordvoerders dit elke keer agter die ander aan sê en of dit ‘n berigskryf taktiek is. Moeilik om te glo dat almal dieselfde rympie herhaal. Dit behoort eerder uitgewys te word as sabotasie met die doelstelling om sabateurs vas te trap.

JJ ·

Dalk moet daar bietjie gekyk word na ander vervoer middels wat sal baat uit die treine se skade as die ringkoppe in die misdaad?Sē ma net

JohanR ·

Die ANC sal NOOIT weer in die Wes-Kaap regeer nie! Al gehoor van die gesegde “once bitten, twice shy”? Nee wat, die Wes-Kaap het die ANC gehad, en daar was hulle net soe nutteloos as in die res van Suid Afrika. Liewer die VFPlus of die DA, of ‘n saamesmelting van die VFPlus/DA. Ook maar nie stupid nie. Hulle het besef daar is kameras by Kaapstad stasie, soe nou brand hulle die trokke af waar daar nie kameras is nie.

James ·

Nie lank nie dan is treine iets in die verlede in SA. Aai so mooi en veilige land op n tyd. Nou n oorlog zone.

Alida ·

Staak alle treindienste en stoor die treine dan kan hulle loop waar hulle wil wees.

jaco ·

iets maak nie sin nie? waarom sal die ANC die DA-beheerde kaapstad wil onregeerbaar maak deur hulle eie treine af te brand? daardie treine behoort aan PRASA. PRASA sit in Johannesburg en word deur die nasionale regering, en dus by implikasie die ANC, beheer. So hoekom sou die ANC dan die ANC se treine afbrand?

Leon ·

Ek verdink taxi en bus maatskappye wat wil seker maak hulle kry al die passassiers en nie die treine. Daar moet ‘n sindikaat iewers wees at die stuur. Hoekom so baie in die Kaap. Daar is ook ‘n vae moontlikheid dat dit die ANC alliansie is wat die Kaap wil onstabiel maak.

annelie ·

Hulle moet nou maar alles afbrand en loop – hulle verdiende loon!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.