S&P bevestig Transnet se kredietwaardigheid

Argieffoto

Argieffoto

Die internasionale kredietgraderingsagentskap Standard and Poor’s (S&P) het Dinsdag sy gradering vir die Suid-Afrikaanse regering se vragvervoer- en logistieke maatskappy, Transnet, bevestig en gesê die maatskappy is ʼn voorkeurbelegging.

Die graderingsagentskap het gesê alhoewel die makro-ekonomiese vooruitsig negatief bly, presteer Transnet steeds ondanks ʼn uitdagende ekonomiese klimaat.

S&P het Dinsdag in ʼn verklaring gesê hy is optimisties dat Transnet se finansiële kredietstatistiek in lyn sal bly met die graderingsmaatskappy se assessering van sy kredietprofiel op bbb+, selfs in ʼn uitdagende ekonomiese omgewing.

Transnet voer tans sy 10 jaar lange infrastruktuur-beleggingsprogram ter waarde van R380 miljard uit.

Die graderingsagentskap het gesê hy glo Transnet sal voortgaan om dié beleggingsprogram versigtig uit te voer en veranderinge in die mark in ag te neem.

Molatwane Likhethe, woordvoerder van Transnet, het gesê S&P se bevestiging en erkenning van die noodsaaklike rol wat dié maatskappy in Suid-Afrika se ekonomie speel as ʼn verskaffer van die nodige infrastruktuur, is ʼn getuienis van die maatskappy se vermoë om deur moeilike ekonomiese omstandighede te stuur.

“Transnet het ʼn alleenstaande gradering en samel fondse in op die krag van sy balansstaat en ontvang geen finansiering of waarborge uit die fiskus nie,” het Likhethe gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
liesbet

Nou hoekom kry hul pensioenarisse STEEDS slegs 2% verhoging n jaar??
Skreiende skande dat die wat hul hele lewe lank help bou het hieraan vandag nie eens genoeg het om van te lewe nie. En dit geld vir alle rasse…pateties

Therese van Schalkwyk

Tog jammer dat Standard and Poor, óf nie hul weg oop sien om melding daarvan te maak nie, óf geensins bewus is van die feit dat die “kredietwaardige” Transnet skuldig is aan die armoede en lyding van duisende pensioenarisse nie.

Frederik

Ek kan my die lyding van ‘n SAL pensionaris indink as dit tans so sleg gaan met Transnet se pensionarisse.

GES

Die hele storie is kunsmatig. Vir Transnet om ‘n wins te maak moet hulle vir belastinggeld vra of infrastruktuur verkoop.

Frans C

Hoe geloofwaardig is ‘n maatskappy wat ‘n maatskappy verantwoordelik vir die armoede van meer as 60 000 pensioenarisse , wit en swart, ‘n voorkeurbeleggingsmaatskappy te noem?