S&P gradeer SA af na rommelstatus

geld ekonomie suid-afrika

Argieffoto

Die kredietgraderingsagentskap Standard & Poor’s (S&P) het Suid-Afrika van BBB-tot BB+ afgegradeer, met ’n negatiewe vooruitsig.

S&P het gesê pres. Jacob Zuma se kabinetskommeling is ʼn risiko vir fiskale en groei-uitkomste. “Die afgradering weerspieël ons mening dat die onenigheid in die ANC-beheerde regering wat tot veranderinge in die uitvoerende leierskap, insluitend die minister van finansies, gelei het ʼn risiko vir beleidskontinuïteit is.”

Rommel – oftewel spekulatiewe of niebeleggingsgraad – beteken daar is ’n hoër risiko dat die land nie sy staatskuld sal betaal nie.

Volgens S&P bly die tempo van ekonomiese groei in Suid-Afrika ʼn graderingswakheid.

Suid-Afrika se langtermyngeldeenheidgradering is in Desember deur S&P van BBB+ na BBB afgegradeer. Dit was twee trappe bo niebeleggingsgraad oftewel rommelstatus.

Talle ekonome het gewaarsku dat rommelstatus die land in die gesig staar nadat Zuma verlede week sy kabinet geskommel het. Die afdanking van Pravin Gordhan as minister van finansies was een van die groot redes tot kommer.

Dawie Roodt, hoofekonoom by die Efficient Groep, het in Oktober aan Maroela Media gesê slegs ʼn “klein wonderwerk” kan Suid-Afrika van rommelstatus red. “Dit is net nóg ʼn spyker in die doodskis. As ons afgegradeer word, sal dit beteken ons gaan ʼn baie meer wisselvallige geldeenheid hê. Dit beteken egter nie net dat die rand verder gaan verswak nie aangesien die rand reeds baie swak is.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

70 Kommentare

jongste oudste gewildste
akes

Puik gedoen z783, jy het dit reggekry!

Johanna Botha

Presies wat almal voorspel het maar die mense luister nie so SA verdien dit nou loshande !

koos1

Nog ‘n goeie storie om te vertel, met trots gebring deur die ANC!

Rynhardt

Standard and Poor het SA met sy hanswors-politici die gepaste titel gegee-Rommelstatus! Dit is n regte rommelparadys!! Ons Afrikaner/Boervolk was sefert NP dae al uitverkoop en die tradissie is voortgesit deur die Anc! Frikkie De Klerk en al sy natte asook bykomende rolspelers asook Zuma en sy kabinet moet vir hoogverraad aangekla word.Albei partye het gesorg dat die Afrikaner geen vryheid, geen toekoms mag he nie, en dat sy mense onderdruk en uitgemoor word! In 2016 het ek vir Maroela gese dat Indie en China gaan nog kom inmeng of probeer inmeng in SA se sake.SA is lankal as republiek… Lees meer »

KP

Baie mooi!!!!!!!!!!!!!!!